Boobs ni Vicky Belo pinagtripan ng mga basher, hindi raw pantay
PINAGTRIPAN ng ilang netizens ang boobs ng celebrity doctor na si Vicky Belo matapos mapansing parang hindi raw ito pantay.
Sa isang video kasi na in-upload sa TikTok ay makikita nga na tila mas maliit ang isa niyang dibdib kumpara sa kabilang bahagi nito.
May mga nagkomento na baka raw ganu’n ang nangyayari kapag nagpalaki o nagpabawas ng boobs ang mga kababaihang nagpapagawa sa kanilang clinic.
Dahil dito, agad na nagsalita ang asawa ni Hayden Kho at ipinaliwanag kung bakit hindi pantay ang laki ng kanyang dibdib.
Baka Bet Mo: Vicki Belo ‘nasasaktan’ kapag binabati tuwing birthday, bakit kaya?
Unang-una, isa raw siyang cancer survivor at kaya “uneven” ang sukat ng kanyang boobs ay dahil sa ginawang surgery sa kanya para alisin ang tumor na tumubo rito.
“I thought I’d address it because baka you think my breasts were done in Belo and it’s uneven, that’s so not true,” ang paliwanag ni Vicki Belo.
“If you recall, I had breast cancer nine years ago and my tumor was actually five cm by seven cm big on my left breast. They took out the tumor,” dagdag pa niyang pahayag.
At kaya raw mas malaki ang isa niyang breast kumpara sa kabila, “They put something in and I don’t even know what it is. I asked my doctor, he told me it’s tissue but it’s not silicone. It’s something much harder.”
Aniya pa, tatlong lymph nodes ang tinanggal sa bandang kilikili niya kaya hindi na pantay ang isang bahagi ng kanyang boobs.
“I just think I wanted to clear it up because I don’t want you to think that’s what happens to boobs in Belo. We do boobs very, very well,” sabi pa ng cosmetic surgeon.
Sa isang bahagi ng kanyang video ay hindi na niya napigilan ang maiyak, kasabay ng pakiusap sa mga netizens na huwag nang magsalita at mag-post ng masasakit about her body.
“Please be kind na lang. You know, I’m a cancer survivor. I was a bit depressed in the beginning but I didn’t let it affect my life.
“I love clothes, I love sleeveless clothes so I still wear them. Anyway, I hope you understand,” panawagan pa niya.
Matatandaang na-diagnose ng stage 3 breast cancer si Vicki Belo noong 2016, at sinabihan na raw ng kanyang doktor na tatagal na lang ng two years ang buhay niya.
Pero matapos sumailalim sa ilang medical treatment, cancer-free na siya for nine years now.
Sabi ni Vicki, nagsilbing “gamot” din sa kanyang pagpapagaling ang pagmamahal at suporta ni Hayden pati ang kanilang anak na si Scarlet.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.