Mavy sa nang-ookray sa kanya sa PBB: Know your facts before judging
Mavy Legaspi, Gabbi Garcia, Alexa Ilacad, Bianca Gonzalez at Melai Cantiveros
MISS na miss na agad ni Mavy Legaspi ang mga celebrity housemates na nakasama niya nang ilang araw sa loob ng “Pinoy Big Brother” house.
Bukod sa pagiging host ng “PBB Celebrity Collab Edition” na napapanood sa GMA 7, naging boarder din ni Kuya si Mavy at nabigyan ng chance na maranasan ang mamuhay sa loon ng iconic house.
Sa kanyang Instagram page, sunod-sunod ang pagpo-post ng anak nina Carmina Villarroel at Zoren Legaspi ng naging experience niya sa Bahay ni Kuya lalo na ang makilala at makasama ang mga housemates.
“It was fun getting to know the housemates and bonding with them.
“It was also fun washing the dishes, while they were doing the tasks, cleaning the house. You name it so that I could lessen the burden. If you watch the daily livestream, you would know.
“So know your facts before judging. I wasn’t slacking off that’s for sure,” ang mensahe pa ng aktor sa lahat ng mga bashers na walang ginawa kundi ang mang-okray at manghusga.
Patuloy na pahayag ni Mavy, “I can’t wait for you guys to get to know the housemates even more. They all have such beautiful souls. All of them have good hearts.
“That’s why I got emotional leaving them. If only you knew the feeling of just having each other 24/7.
“It hasn’t been a week yet. I can’t wait for their growth,” pagbabahagi pa ng binata.
And of course, sa lahat ng housemates, ang pinakamami-imiss ni Mavy ay ang girlfriend niyang si Ashley Ortega. Mensahe niya sa aktres, “Hola mami. It was nice being with you for a short while. See you in a few months.”
View this post on Instagram
Nauna rito, binigyan muna ni Kuya si Mavy ng chance na makapagpaalam kay Ashley na hindi napigilan ang maging emosyonal nu’ng mga sandaling iyon.
“I’m actually so lucky na you get to stay here, hon, I didn’t expect naman na you’re gonna be here for a while. I’m happy you enjoyed here honey,” pahayag ni Ashley.
Mensahe naman ni Mavy kay Big Brother, “Siyempre Kuya mami-miss ko sila pero nararamdaman ko Kuya na it’s a start of another beautiful beginning po. Thank you for the opportunity po. Nag-enjoy po ako. Maraming salamat po, Kuya.”
Nang makaalis na si Mavy sa Bahay ni Kuya, at tuluyan nang naiyak si Ashley, “I’m so happy and so grateful and so lucky na nakasama ko siya here sa loob ng house. First few days ko dito siyempre may mga adjustments na kailangan gawin.
“I felt more comfortable because I know he’s here. I know he’s around. Masakit na umalis talaga siya dito,” pagbabahagi pa ng Kapuso star.
Isa si Mavy sa mga host ng iconic reality show at naging house guest nga pansamantala bilang parusa nang matalo sila ng kanyang mga co-host sa ginawa nilang task kasama sina Gabbi Garcia, Melai Cantiveros, at Alexa Ilacad.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.