Sam Verzosa eleksyon muna bago mag-propose kay Rhian Ramos: Surprise natin!

PHOTO: Instagram/@whianwhamos

AYON sa celebrity couple na sina Rhian Ramos at Sam Verzosa, naka-hold muna ngayon ang kanilang planong pagpapakasal.

Ang kanilang update ay matapos ma-interview ng broadcast journalist na si Julius Babao na mapapanood sa YouTube.

Nausisa sila ni Julius dahil apat na taon nang magkarelasyon ang couple.

Ang paliwanag ni Sam, nais niyang tapusin muna ang halalan sa darating na Mayo bilang siya ay tumatakbo bilang alkalde ng Maynila.

Ang hirit naman ni Rhian habang natatawa, “Proposal muna.”

Baka Bet Mo: Pagpapa-sexy ni Rhian hindi kinokontra ni Sam Verzosa: Tanggap niya ‘ko

“Wala pang [proposal]. May nakikita ba kayo?” dagdag niya habang ipinapakita ang kamay sa camera.

Wika naman ng mayoral candidate, “Syempre secret muna ‘yon. Suusurprise natin. ‘Wag natin sasabihin. Kailangan mabibigla na lang siya. Pero definitely tapusin ko muna elections.”

Paliwanag niya, “I will not use the proposal just to gain publicity during the campaign period. I’m not that person. Sabi ko nga, kung gagawin ko ‘yon, ipapakita ko sa kanya na hindi ko siya gagamitin in any way. So kailangan tapos na lahat ‘yon [elections].”

“Ipo-prove ko na gagawin ko ‘yun [proposal] kahit may election o wala,” aniya pa. 

Nang tanungin naman si Rhian kung umaasa siya ng enggarndeng wedding proposal mula kay Sam.

Ang sagot niya, “Here’s the thing: I don’t need one but I expect it because I know him. I don’t know. He’s a big theatrical person. He’s a [showman].”

Aniya pa, “Usually kapag siya ‘yung nag-aasikaso ng isang bagay, mas nagiging engrande siya doon sa naisip ko.”