Whamos Cruz binarag sa offer na sweldo para sa video editor, barat daw
Whamos Cruz
PINUTAKTI ng bashers ang social media personality na si Whamos Cruz matapos siyang mag-post sa social media tungkol sa “hiring” para sa kanyang YouTube channel.
Sa pamamagitan ng kanyang Facebook account, ipinaalam ni Whamos sa publiko na naghahanap siya ng videographer at editor.
Base sa nakasulat sa kanyang post, looking siya ng videographer at editor na may range na sahod na P20,000 to P30,000.
Sabi pa niya sa kanyang FB post, sana raw may passport na ang mag-a-apply sa kanya para makasama sa pagta-travel nila sa ibang bansa. Free na rin daw ang tutulugan at food.
“LOOKING VIDEOGRAPHER EDITOR STAY IN NEED KO20K to 30KSAHOD YUNG MAY PASSPORT NADIN PARA MAKA SAMA SA MGA TRAVEL SA IBANG BANSASAGOT KO TULUGAN AT PAGKAINYUNG PANG LONGTERM AT MAGALING MAKISAMA,” ang FB status ni Whamos.
View this post on Instagram
Marami ang naging interesado sa offer ng sikat na vlogger at nagsabing ita-try nila ang mag-apply dahil bukod sa magakakatrabaho na sila ay mabibigyan pa sila ng chance na makapunta sa ibang bansa.
Pero may mga tumawag naman kay Whamos na sobrang “barat” dahil maliit daw ang offer nitong sweldo. Knows naman daw kasi nila na milyun-milyon ang kinikita ng vlogger sa YouTube kaya hindi umano makatarungan ang kanyang offer.
Mukha namang nakarating kay Whamos ang pambabatikos sa kanya ng mga haters kaya naman nag-post siya uli sa FB ng tungkol sa kanyang alok na trabaho.
“LOOKING VIDEOGRAPHER AT EDITOR 500k to 1M ADAY ONES AWEEK POST SA YOUTUBE KO MERON BA JAN SAGOT KON PAGAWA NG BAHAY NYO AT PAG KAIN NG BUONG FAMILYA NYO PAG MAY PASS PORT KA SAGOT KONA TRAVEL MO ARAW ARAW IBAT IBANG BANSA ANG PUPUNTAHAN MO,” simulang hirit ni Whamos.
Dagdag pa niyang mensahe, “GANYAN BA DAPAT ANG POST KO SA PAG HAHANAP KO NG EDITOR AT VIDEOGRAPHER PARA SA MGA PRO JAN PASENSYA NA KUNG MABABA AHH DIKO NAMAN KASE SINABING PRO AT KAILANGAN GAMIT NILA.
“MERON AKONG SARILING GAMIT CAMERA ILAW ETC.
“DIKO KAILANGAN NG TULAD NYONG PRO ANG KAILANGAN KO MARUNONG AT MAGALING DIN KAHIT PAPAANO AT MARUNONG MAKISAMA DAHIL IBA KAME MAKISAMA SA MGA EDITOR NAMEN PARANG FAMILYA NADIN NAMEN ANG TURING SA KANILA DILANG BASTA EDITOR AT VIDEOGRAPHER.”
“GRABE YUNG IBANG EDITOR DITO PAMANG INSULTO KAAGAD DI PANGA NILA AKO NASUSUBUKAN HAYS
GODBLESS NALANG SA INYO,” ang sabi pa ni Whamos Cruz.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.