Trulalu ba, sulat ni Jojo Mendrez para kay Mark Herras napulot ng waiter?

NAKAKALOKA! Ayaw talagang tumigil ang mga chika tungkol sa actor-dancer na si Mark Herras at sa tinaguriang Revival King na si Jojo Mendrez.

Talagang ipinagpipilitan ng ilang netizens na more than friends na ang relasyon ng dalawa na siyang dahilan kung bakit ayaw mamatay-matay ang isyu.

Kahit na ilang beses nang nagdenay si Jojo na magdyowa sila ni Mark ay tuloy pa rin ang pagli-link sa kanila, lalo na nu’ng sorpresahin ng Kapuso actor ang singer-businessman sa presscon nito kamakailan.

Pagkatapos kasing sabihin ni Jojo na magkaibigan lang sila ni Mark ay bigla ngang umapir ang aktor at dancer sa kanyang presscon.

Baka Bet Mo: Revival King Jojo Mendrez sinorpresa ni Mark sa presscon; bakit naiyak?

Ito’y habang kinakanta niya sa harap ng press ang bago niyang single na “Nandito Lang Ako” mula sa Star Music composed by Jonathan Manalo. Bumeso at yumakap sa kanya si Mark sabay abot ng bulaklak.

Mukhang hindi alam ni Jojo ang pagdating ng aktor dahil nakita namin ito sa naging reaksyon niya. Ilang saglit lang nanatili roon si Mark at umalis na agad.

After kumanta ni Jojo ay bigla raw sumama ang pakiramdam nito kaya nagdesisyon ang kanyang management na tapusin na ang presscon kasabay ng paghingi nila ng paumanhin sa media.

Pero ito na ang chika! May nagpadala sa amin ng isang letter na umano’y isinulat ni Jojo para isang taong malapit sa kanya.

Walang nakalagay na pangalan sa naturang liham pero para raw talaga yun kay Mark. Ang chika, napulot daw ito ng  waiter sa restaurant na pinagdausan ng presscon ni Jojo. Ito ang laman ng sulat

“Dear Bebe,

“Please, wag ka ng magsayaw sa gay bar hindi kasi maganda para sa yo…

“Take care always. Nandito lang ako…

“Always, Jojo.”

Nagpadala kami ng mensahe kay Jojo sa pamamagitan ng direct message para linawin ang kuwentong ito at kung totoong sulat nga niya para kay Mark ang napulot umano ng nasabing waiter, pero wala pa kaming natatanggap na reply.

Bukas din ang BANDERA sa magiging paliwanang ni Mark hinggil sa chikang ito.

Matatandaang sa Q&A session ng presscon ng OPM artist, natanong nga si Jojo kung kumusta na sila ni Mark matapos mabigyan ng kulay at ibang kahulugan ang pagkikita nila sa isang hotel casino kamakailan.

“No comment” na ang sagot niya dahil, “Kasi kahit sabihin kong hindi, walang ganu’n (relasyon), iba pa rin ang paniniwalaan nila. So, saan ako lalagay? Kasi sa social media, ang mga tao ang daling mag-judge. Kung ano yung nakikita nila, yun na yun.

“Hindi ko naman pwedeng i-explain to everyone, ito ang totoo, ito ang ganyan kaya sabi ko huwag na lang akong mag-comment tungkol diyan. Siguro kung makita n’yo siya, sa kanya n’yo na lang tanungin.

“Kasi sa aking side, ang dami ko nang pinagdaanan, family ko affected, tapos mga kaibigan ko tawag nang tawag sa akin. Pag-open ko ng cellphone ko, mukha ko agad ang makikita sa Google, sa Facebook, sa lahat.

“So, kumita naman ang marami sa social media, ang mga vloggers, so sa akin, hayaan na lang. Siguro one day, malalaman n’yo rin naman kung ano ang totoo,” pagbabahagi ni Jojo.