Mark Herras, Jojo Mendrez spotted sa hotel casino, pero wala raw malisya
Mark Herras at Jojo Mendrez
KALAT na ngayon sa social media ang mga litrato at video ng actor-dancer na si Mark Herras kasama ang tinaguriang Revival King na si Jojo Mendrez.
Sa isang social media post, pinagpiyestahan ng mga netizen ang mga litrato nina Mark at Jojo na magkasama sa isang hotel casino.
Nilagyan ng malisya ng ilang mga nakakita sa naturang post at ipinagpalagay na may “something” na mga sa pagitan ng dalawang celebrity.
Sabi pa ng mga asyumerang netizens na mukhang magdyowa na raw ang dalawa at tuluyan na raw pumatol si Mark sa kapwa niya lalaki.
Baka Bet Mo: Wish ni Lolit kay Mark: Sana’y magseryoso na sa buhay ngayong kasal na
“STARSTRUCK!!!
“Actor Mark Herras spotted with a rich businessman. The person with Herras seemed to be the uprising singer who is now trending on social media.
“The two spotted together in a hotel casino at around 11:30pm last Feb 5, both seems so happy together!” ang nakalagay sa caption ng nakita naming post.
View this post on Instagram
Kasunod nito, agad na naglabas ng official statement ang talent management ni Jojo Mendrez, ang AQUEOUS Entertainment. Narito ang nakasaad sa kanilang pahayag.
“The post showing the photos of our artist Jojo Mendrez and Mr. Mark Herras together is purely a malicious content.
“Jojo and Mark are good friends. Nothing more. Nothing less.”
Sabi naman ng isa naming source, “Purely friendly meet up lang yun at marami silang magkakasama nu’n. Gumawa kasi si mark ng video reaction para sa kanta ni Jojo na Somewhwre In My Past (na pinasikat ng yumaong aktres at singer na si Julie Vega).”
Nauna rito, inamin ni Mark ang ginawa niyang pagsasayaw sa isang gay bar sa Parañaque City. Pero hindi naman daw siya naghubad doon at hindi rin totoong nagpa-table siya para mas lumaki ang kanyang talent fee.
Nagtataka nga raw si Mark kung bakit naging “national issue” ang pagsasayaw niya sa gay bar lalo’t hindi naman siya nagsayaw nang nakahubad.
Saad pa ni Mark, kesa isipin ang mga sinasabi ng publiko laban sa kanya mas mahalagang pagtuunan na lamang niya ng pansin ang kanyang pamilya, partikular na ang anak nila ni Nicole Donesa.
“Kesa isipin ko ‘yung mga problema or stress sa buhay ko, kailangan ko mag-provide eh. Ang nasa mindset ko, trabaho, trabaho, kailangan kong magtrabaho.
“Ba’t ko pa iisipin ‘yung iniisip sa akin ng mga tao na, ‘Baka wala nang career, desperado na ‘yan si Mark.’ Eh, ‘pag inisip ko ‘yun, paano na ‘yung pamilya ko?” esplika ni Mark.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.