2 bulakbol na estudyante nagpanggap na kinidnap, kulang pamasahe pauwi

BUKING ang dalawang high school students na nagpanggap na kinidnap sa isang barangay sa Los Amigos, Davao City kamakailan lamang.

Napag-alaman na nag-cutting classes lamang ang dalawang estudyante at hindi nakauwi agad dahil kulang na kanilang pamasahe.

Base sa imbestigasyon ng Los Amigos Police, hindi totoong na-kidnap ng puting van ang dalawang estudyante tulad ng kuwento ng mga ito na lumbas sa social media.

Sa CCTV footage ng kanilang paaralan, sumakay ang dalawa sa isang public utility vehicle (PUV) at nagtungo raw sa isang mall pero hindi nga nakauwi sa kani-kanilang tahanan dahil kulang na ang kanilang pera para sa pamasahe.

Baka Bet Mo: Andrea Brillantes na-diagnose ng Congenital Anosmia: Wala akong pang-amoy kaya pwede akong ututan sa mukha

Kasunod nito, naisip nga ng magkaibigan na palabasing kinidnap sila at sinaktan pa ang sarili gamit ang bato. Agad-agad naman daw nag-post sa Facebook ang tatay ng isa nilang kaklase tungkol sa naganap na “kidnapping” na ikinabahala nang husto ng kanilang mga magulang.

Agad na humingi ng tulong ang parents ng mga estudyante sa mga otoridad at matapos ma-rescue dakong alas-12 ng madaling araw nitong February 20, nalaman ngang walang nangyaring pagdukot.

Naglabas ng official statement sa Facebook ang Davao City Police Office hinggil sa nangyari. Narito ang buong pahayag.

“Recently, a viral post falsely claimed that a kidnapping incident occurred in Los Amigos, Davao City, involving students who were allegedly forced into a white van.

“Upon investigation, personnel from Police Station 20 – Los Amigos exerted efforts to locate the students, only to discover that they had skipped classes, boarded a public utility vehicle, and went to a mall before proceeding to a resort.

“With the assistance of their adviser, the students were successfully located and turned over to their respective parents. Coordination was also made with the barangay’s assigned social worker to ensure the students’ well-being,” ang bahagi ng statement.