Chef Margarita Araneta Forés pumanaw na sa edad 65
Margarita Araneta Fores
ANG tinawag na Asia’s Best Female Chef noong 2016 na si Ms. Margarita Araneta Forés ay sumakabilang buhay na kagabi, Pebrero 11. Siya ay 65 years old.
Ibinahagi ng nag-iisa niyang anak na si Chef Amado Forés ang malungkot na balita sa publiko sa pamamagitan ng kanyang Instagram account.
Hindi na umabot si Chef Gaita sa kanyang ika-66 kaarawan sa susunod na buwan, March 23.
Baka Bet Mo: Iya mas confident at palaban na sa kusina; season 2 ng ‘Eat Well, Live Well. Stay Well.’ ihahain na
Si Chef Gaita ay pinsang buo ng dating senador na si Mar Roxas at kapatid naman naman ni Veana Fores, negosyante at manager ni Maricel Soriano.
Instead na black ang background ay white ang ginamit na wall ni Chef Amado sa kanyang IG kalakip ang pagkumpirma sa pagpanaw ng kanyang ina.
View this post on Instagram
“Dear Friends and Family,
“It is with a heavy heart that I share the sudden passing of my Mom, Margarita A. Forés. Our family is mourning this unexpected loss, and we kindly ask for your prayers during this time. We will be able to share more in due time. With gratitude, Amado.”
Bumaha ng pakikiramay para sa pamilya Araneta-Fores at sa nag-iisa nitong anak na si Amado mula sa Philippine culinary industry at showbiz industry at sa lahat ng mga naging client ni Chef Gaita (tawag sa kanya).
Marami kaming nabasang komento na ikinagat nila ang tungkol sa pagpanaw ng kilalang restaurateur dahil may mga nag-post pa na last year lang ay nakasama pa nila sa ibang bansa si Chef Gaita.
Si Chef Margarita ang founder ng Cibo (Gateway 2/Greenhills); Lusso (Makati at Podium); Grace Park (Gateway/One Rockwell); Alta (Taguig City); The Loggia at Palacio de Memoria (Roxas Boulevard) na influenced ng Filipino at Italian cuisines.
Ang iba pa niyang mga restaurant na paborito namin na nagsara na ay ang Trattoria Uno Ristorante Italiano sa Alimall (80’s) at ang Café Bola sa Araneta Center (2008).
Samantala, walang ibinigay na detalye si Chef Amado kung ano ang ikinamatay ng ina at ang detalye kung saan ito ibuburol.
Sa mga naulila ni Chef Margarita ang aming pakikiramay.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.