Presidential son Sandro Marcos unang pumirma para ma-impeach si VP Sara

Sandro Marcos at Sara Duterte

UNANG-UNANG pumirma ang anak ni Pangulong Bongbong Marcos na si Ilocos Norte 1st district Rep. Sandro Marcos sa impeachment complaint laban kay Vice President Sara Duterte.

Sa 215 kongresista na sumang-ayon sa panawagang mapatalsik sa kanyang pwesto si VP Sara, ang presidential son umano ang number one sa listahan.

Solido ang naging desisyon ng Kamara de Representantes kahapon, February 5, na i-impeach ang Pangalawang Pangulo ng bansa base sa inihaing ikaapat na impeachment complaint laban sa kanya.

Kabilang sa ground ng impeachment ang mga sumusunod na reklamo: ­conspiracy to assassinate President Ferdinand Marcos Jr., FL Liza at Speaker Romualdez; malversation of P612.5-M confidential funds; bribery and corruption in DepEd; extra judicial killings; betrayal of public trust at large scale corruption.

Baka Bet Mo: VP Sara Duterte na-impeach na sa Kamara, 215 kongresista bumoto

Kinumpirma ni House Secretary General Reginald Velasco na nakakuha ng higit sa sapat na bilang ng signature ang impeachment complaint upang maihain ito sa tanggapan ng Senado.

Sabi naman ni Speaker Ferdinand Romualdez, “There is a motion to direct the Secretary General to immediately endorse to the Senate the impeachment complaint having been filed by more than one-third of the membership of the House or a total of members.”

 

View this post on Instagram

 

A post shared by Bandera (@banderaphl)

Itinalaga naman bilang miyembro ng prose­kusyon sina Representative Gerville ­Luistro, Romeo Acop, Rodge ­Gutierrez, Joel Chua, Jil ­Bongalon, ­Loreto Acharon, ­Marcelino ­Libanan, Arnan ­Panaligan, Isabel Maria ­Zamora, ­Lorenz ­Defensor, at ­Jonathan Keith Flores.

Ayon sa report, ang ikaapat na impeachment complaint laban kay VP Sara ay bukod pa sa tatlong naunang reklamo pero hindi na diringgin ang mga ito dahil nahigitan nga ito ng 4th complaint na pinirmahan ng 215 mambabatas.

At dahil 102 boto lamang ang kailangan sa Kamara para mapabilis ang proseso ng impeachment ay hindi na ito daraan sa deliberasyon ng House Committee on Justice, ididiretso na ito sa Senado na siyang magsasagawa ng pagdinig kung may sapat na ebidensya para mapatalsik sa puwesto si VP Sara.