Herlene nasarapan sa halik nina Tony at Kevin: Ang babango ng hininga!
Tony Labrusca, Herlene Budol at Kevin Dasom
“SUPER YUMMY!” Ganyan inilarawan ng Kapuso actress at beauty queen na si Herlene Budol ang dalawa niyang leading man sa bago niyang serye sa GMA 7.
Muling bibida si Herlene sa upcoming afternoon Kapuso series na “Binibining Marikit” kasama ang hunk actor na si Tony Labrusca at ang Thai-Irish model at Manhunt International 2024 na si Kevin Dasom.
Sa naganap na mediacon ng “Binibining Marikit”, nahingan ng reaksyon si Herlene ungkol sa kissing scenes niya with Tony and Kevin.
In fairness, nag-enjoy daw nang bonggang-bongga ang komedyana sa mga halikan scenes sa dalawa niyang screen partner.
Baka Bet Mo: Tony Labrusca naghubad para sa 27th birthday, mga beking fans nagpiyesta
“Masarap!” ang agad-agad na sagot ni Herlene sa halikan nila ni Tony sa serye base sa panayam ni Tito Lhar Santiago.
View this post on Instagram
“Sangkabaklaan, sangkababaehan, pangarap malaplap tong Tony Labrusca na ‘to! Naku! Huwag na tayo magpaliguy-ligoy pa. Sorry po, Madame,” ang hirit pa ni Herlene sabay tingin sa mga bossing ng GMA 7 na tawang-tawa naman sa mga hirit niya.
“Excuse po to my mouth! Kasi naman pinairal naman tong kalandian nito,” sey pa ni Herlene.
Patuloy pang chika ng aktres, “Napakasuwerte ko dito sa Binibining Marikit na to! Ang babango ng hininga.
“Oo naman! ‘Tong toothbrush ko itinabi ko sa pagtulog. Kasi, first kiss ko to, ganu’n! Basta, hindi natin alam kung sino dito ang best kisser. Kasi dalawa sila, nalaplap ko!
“Oo! Professional na professional. Talagang nag-take advantage na lang ako. Pero nagpaalam naman ako. ‘Ano? I-take advantage na kita, ha?
“Galingan ko na, kasi ang tagal ko na rin namang walang…ang bunganga ko talaga!” ang birong hirit pa ni Herlene.
Nang hingan naman si Tony ng comment sa mga sinabi ni Herlene, ang sabi ng aktor, “Ang sa akin, lagi kong sinasabi. Ito nga yung gustung-gusto namin kay Herlene, na ganito sa set kaya masaya kami. So, alam mo yun.
“We come on set, we do our best, pero masaya ako na ganito yung mga vibes namin sa set na masaya lang, we’re there for each other.
“Ayun! Minsan ang hirap na nga ng ginagawa natin, di ba? So, we just have to be there for each other,” sey ng binata.
At sa tanong kung magaling din bang humalik si Herlene, “Good kisser, parang nahihiya lang. Parang feeling ko tuloy ako yung rawrr!”
“Rawrr ka naman talaga,” ang panunukso naman ni Herlene kay Tony.
Para namang nahiya ng slight si Kevin nang tanungin kung ano ang reaksiyon niya sa mga hirit ni Herlene, “It’s been amazing working with Herlene and Miss Pokwang, and everyone on set as well.
“I don’t feel like I’m a newcomer here… welcoming me, like I’ve been here for 25 years,” aniya.
Mapapanood na ang “Binibining Marikit” simula sa February 10 sa GMA Afternoon Prime, pagkatapos ng “It’s Showtime.”
Kasama rin dito sina Pokwang, Almira Muhlach, Thea Tolentino, Cris Villanueva,Ashley Rivera, Jeff Moses, Migs Almendras, at John Feir, mula sa direksyon ni Jorron Lee Monroy.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.