Herlene Budol nagpa-psychiatrist nang ma-issue kay Rob Gomez
Herlene Budol
INAMIN ng actress-beauty queen na si Herlene Budol na lumapit na kinailangan niya ng professional help matapos masangkot sa isyu kasama ang dating co-star na si Rob Gomez.
Sa ginanap na presscon para sa pinakabago niyang teleserye na “Binibining Marikit” nitong Lunes, February 3, naikuwento niya ang pagsailalim sa psychological therapy.
“Nagpa-psych ako para mas ma-process siya nang maayos sa ‘kin [kung] bakit may mga ganoong klaseng tao na kailangan kang hilahin pababa,” saad ni Herlene.
Pagpapatuloy niya, “Mabigat po na paratang sa akin kaya mahirap ‘yung sitwasyon ko noon.”
Baka Bet Mo: Tony Labrusca hinangaan si Herlene Budol: She’s got beautiful lips
Bandera IG
Sa kabila ng mga pangyayari ay naka-move on na raw naman siya at ang kanyang focus ngayon ay ang pagpapabuti ng kanyang career.
Matatandaang sina Herlene at Rob Gomez ay nagkasama sa Kapuso teleserye na “Magandang Dilag”.
Bago matapos ang 2023 ay pumutok ang isyu kung saan tila na-hack ang account ni Rob at nai-post sa kanyang Instagram stories ang screenshots ng palitan ng mensahe nila ng dating beauty queen-actress.
Maging si Bianca Manalo ay nadamay noon sa isyu dahil lumabas rin angscreenshot ng convo nila ni Rob.
Nilinaw naman noon ni Herlene na wala silang naging relasyon o kahit na anuman ni Rob.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.