Malacañang: Para sa mga Muslim lang ang Jan. 27 holiday

JANUARY 27 is a Muslim holiday, not a national holiday.

‘Yan ang naging paglilinaw ng Malacañang matapos kumalat ang ilang maling impormasyon sa social media na nagdulot ng pagkalito sa madlang pipol.

Ayon sa naging pahayag ni Executive Secretary Lucas Bersamin, ang naturang holiday ay epektibo lamang sa Bangsamoro Autonomous Region in Muslim Mindanao (BARRM), pati na rin sa iba pang Muslim areas na tinukoy sa Muslim Code.

Baka Bet Mo: PRC nanawagan sa publiko: Itigil ang ‘prank calls’ sa 143 emergency hotline!

Gayunpaman, sinabi rin ni Bersamin na ang mga empleyadong Muslim sa mga lugar na hindi Muslim, tulad ng National Capital Region o Metro Manila, ay hindi pinahihintulutan na magtrabaho ngayong araw, Jan. 27.

Para sa mga hindi aware, ang January 27 ang Isra Wal Miraj, o ang Night Journey at ang Ascension ni Prophet Muhammad.

Kinikilala ito bilang holiday ng mga Muslim sa ilalim ng Article 169 ng Presidential Decree No. 1083 o Code of Muslim Personal Laws of the Philippines.

“Al Isra Wal Mi’raj is significant to Muslims as it serves as a test of faith for believers and considered a personal gift from Allah to the Prophet,” saad ng Palasyo sa hiwalay na statement.

Ani pa, “It was also one of the greatest signs and miracles given to the Prophet after the Qur’an.”