Sikat na singer nawalan ng P100-M sa bank account: Naloka talaga siya!

Guess, guess who!?

NALOKA at nawindang nang bonggang-bongga ang isang kilalang singer nang madiskubre niyang halos P100 million ang nawawala sa kanyang bank account.

Ang chika, may ka-joint account daw ang sikat na singer at matagal na niyang hindi natse-check ang kanilang savings account na milyun-milyon daw ang laman.

Base sa pagkukuwento ng talent manager at content creator na si Ogie Diaz, nang minsan ngang i-check ng singer ang naturang bank account ay nabaliw-baliw siya sa natuklasan.

“Naloka siya dahil unti-unti e nawi-withdraw ang pera niya kasi nga meron siyang joint account. The family that prays together, stays together dapat,” ang pahayag ni Ogie sa latest episode ng kanyang “Showbiz Updates” YouTube channel.

Baka Bet Mo: Kilalang personalidad may pinautang na P100-M, gusto ‘cash’ kapag ibabalik?

Sey ni Mama Ogs, umabot daw ng halos P100 million ang nawala sa singer kaya naman hinayang na hinayang ito sa nangyari.

“Matagal kasi…nag-a-abroad ‘yun, e. Abroad, abroad, tapos balik dito. Abroad ulit, balik. So sino ba ang ka-joint account? Pinakamalapit sa puso niya,” ang chika pa ni Ogie.

Hindi nagbanggit ng pangalan ang online host kung sino ang ka-joint account ng sikat na singer pero nagpahiwatig ito na mukhang may espesyal na ugnayan ang dalawa.

“Nakarating na lang sa singer daw ‘yung ka-joint account niya may ibang minamahal daw,” sabi pa ni Mama Ogs.

Sa ngayon daw ay wasak na wasak at inaatake ng depresyon ang singer dahil sa nawalang pera niya sa bangko na balitang inipon niya nang matagal na panahon para sa magandang kinabukasan ng kanyang mga anak.

O, mga ka-BANDERA, may idea na ba kayo kung sino ang tinutukoy ni Mama Ogs na sikat na singer? Oh well, guess, guess who na!?