‘28 Years Later’, ‘Novocaine’ ipinasilip, kaabang-abang na mga pelikula

PHOTOS: Courtesy of Columbia Pictures, Paramount Pictures

HINDI pa natatapos ang taong 2024, pero may pasilip na agad para sa dalawang inaabangang pelikula na mapapanood next year!

Kabilang na riyan ang post-apocalyptic horror film na “28 Years Later,” ang bagong kabanata sa mundo ng “28 Days Later.”

Mula ito sa direksyon ng Academy Award-winning director na si Danny Boyle at sa panulat ng Academy Award-nominated writer na si Alex Garland.

Narito ang synopsis na inilabas ng Columbia Pictures:

“It’s been almost three decades since the rage virus escaped a biological weapons laboratory, and now, still in a ruthlessly enforced quarantine, some have found ways to exist amidst the infected. 

Baka Bet Mo: LIST: International films na panalong-panalo sa Holiday season

“One such group of survivors lives on a small island connected to the mainland by a single, heavily-defended causeway. When one of the group leaves the island on a mission into the dark heart of the mainland, he discovers secrets, wonders, and horrors that have mutated not only the infected but other survivors as well.”

Ang upcoming film ay pinagbibidahan nina Jodie Comer, Aaron Taylor-Johnson, at Ralph Fiennes.

Samantala, ipinasilip na rin ang action film na “Novocaine” na pinagbibidahan ng American actor na si Jack Quaid. 

Sa direksyon ni Conrad Kemp, ang pelikulang ito ay nakatakdang ipalabas sa March 2025.

Base sa trailer, umiikot ang pelikula sa kwento ang isang ordinaryong lalaki na si Nathan Caine na may pambihirang kakayahang hindi makaramdam ng sakit. 

Nang dukutin ang babaeng kanyang minamahal na ginagampanan ni Amber Midthunder, gagamitin ni Nathan ang kanyang tila kahinaan bilang lakas upang mailigtas ito.

Kasama rin sa cast sina Ray Nicholson, Betty Gabriel, Matt Walsh, at Jacob Batalon.