Sam tinukso kay Catriona, pilit na inilalapit ni Iñigo; beauty queen dedma lang?

Catriona Gray and Sam Milby

MATAPOS maging usap-usapan ang pictures nina Catriona Gray at Sam Milby na magkahiwalay ng upuan sa eroplano, viral naman sa social media ang panunukso ni Iñigo Pascual sa dalawa.

Ito ay nangyari sa kalagitnaan ng “All Star Concert” ng Cornerstone Entertainment na naganap sa Canada kamakailan lang.

Makikita sa isang TikTok video ang ginawang paghila ni Iñigo kay Sam upang ito ay mapalapit sa beauty queen.

Tumatawa si Sam ngunit halatang naiilang kay Catriona kaya agad din siyang lumayo at bumalik sa kanyang pwesto katabi si Piolo Pascual.

Ang naging caption pa diyan ng uploader, “Confirmed break up [holding back tears emoji].”

Baka Bet Mo: Catriona inisnab nga ba ang b-day party ni Sam, natuloy ang hiwalayan?

@alaniliwiliw Confirmed break up🥹 #fyp #forentertainmentpurposesonly #relatable #pinas #trending #followers #tiktok ♬ original sound – alaniliwiliw

As of this writing, isang araw pa lang uploaded ang viral video at ito ay umaani na ng mahigit 2 million views at halos 50,000 likes.

Magugunitang maraming fans at netizens ang nalungkot matapos mag-trending ang pictures ng dating celebrity couple na nasa iisang eroplano, pero magkaiba ng upuan.

Wala pang kumpirmasyon until now kung talagang break na ang dalawa, kaya marami pa rin ang umaasa na magkakaayos sila.

Matatandaang nag-propose si Sam kay Catriona noong February 2023 at makalipas ang ilang buwan ay tila nagka-problema sila sa kanilang relasyon.

Pebrero nitong taon, naglabas ng official statement ang Cornerstone at sinabing may pinagdaraanang pagsubok ang Miss Universe 2018 at aktor.

“While it is true that Sam and Catriona are currently facing some challenges in their relationship, they are actively working on resolving these issues together,” saad sa bahagi ng pahayag.

Pakiusap pa nila, “We kindly request that everyone respect their privacy during this time as they navigate through this situation.”

Samantala, bukod kina Catriona, Sam, Iñigo at Piolo, nagtanghal din sa nasabing concert sina Erik Santos, Kyla, Yeng Constantino, KZ Tandingan, Kyle Echarri, Jason Dy, Zephanie, at ang P-pop group na VXON.