Geoff never naging dyowa si Heart; payag makatrabaho ang ex-GF na si Carla
Heart Evangelista, Geoff Eigenmann, Carla Abellana
NAG-OPEN up ang aktor na si Geoff Eigenmann patungkol sa kanyang past relationships sa showbiz industry.
Kabilang na riyan ‘yung “rumored romance” sa fashion icon na si Heart Evangelista, pati na rin sa kanyang ex-girlfriend na si Carla Abellana.
Sa naging panayam niya with King of Talk Boy Abunda sa programang “Fast Talk,” diretsahan siyang tinanong kung naging sila nga ba ni Heart noon.
Ang sagot diyan ng aktor, “Everybody thought but honestly, no, we were not together.”
“We were just really, really good friends,” paglilinaw niya.
Paliwanag pa niya, “For me, it was the start of my career when we were paired together and I was really focused on that. Maybe I focused too much on it that I was kind of not considering it at the time kasi gusto ko trabaho.”
Baka Bet Mo: Carla kay Bea: You deserve nothing but life’s absolute best
Nang tanungin naman siya ni Tito Boy kung willing siyang makasama at makatrabaho ang dating dyowa na si Carla sa isang proyekto.
Agad namang pumayag si Geoff, “Yes, I would.”
“I think, now in our lives, a lot has happened to each of us separately and that’s when maturity and growth come in and it’s all in the past. We’re professionals. We did this together for a long time before; why can’t we do it now?” esplika pa niya.
Kasunod niyan, ibinunyag ng aktor na hindi pa ulit sila nagkikita ng aktres mula nang maghiwalay ilang taon na ang nakakaraan.
“We haven’t seen each other since we broke up. We saw each other once and that was it. Nagpansinan kami. This was seven or six years ago. [We had] a short conversation. And then the day just continued on,” chika niya.
Kung matatandaan, taong 2014 nang makumpirma ang breakup ng dalawa makalipas ang apat na taong magkarelasyon.
Maaalalang nagtambal ang dating celebrity couple sa ilang hit series kabilang na ang “Rosalinda,” “Magic Palayok,” “Basahang Ginto,” at marami pang iba.
Si Carla ay dating ikinasal sa aktor na si Tom Rodriguez ngunit agad silang naghiwalay noong 2022.
Si Geoff naman ay happily married sa non-showbiz partner na si Maya Flores at mayroon na silang tatlong anak.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.