Xian Lim 1st time magpalipad ng eroplano: ‘Here’s to new heights!’
PHOTO: Instagram/@xianlimm
NAKAPAGPALIPAD na ng eroplano ang aktor na si Xian Lim!
Ito ang exciting news na ibinandera mismo ng aktor sa kanyang Instagram page makalipas ang dalawang buwan ng pagsabak niya sa kursong aviation.
Makikita sa post ang isang video na focus na focus si Xian sa pagiging aircraft pilot o aviator.
Mapapanood din na mukhang napakataas na ng nilipad niya dahil sa magagandang view ng karagatan at isla na makikita sa mga bintana.
“First time in the pilot’s seat! Nothing compares to the thrill of taking flight and seeing the world from above,” bungad niya sa caption.
Baka Bet Mo: Bianca Umali payag mag-join sa beauty pageant: Pero ang tanong papasa kaya ako sa height requirement?
Sey pa niya, “Here’s to new heights and unforgettable views,” kalakip ang hashtag “first flight.”
View this post on Instagram
Sa comment section, maraming netizens ang humanga at napa-wow sa bagong achievement ni Xian.
Narito ang ilan sa mga nabasa namin:
“Wow! Congrats. Ang galing naman [thumbs up, clapping hands emoji].”
“You are living our dream [hands up emojis] To fly high up in the sky [clouds, airplane emoji] How was it?”
“Congratulations on your first flight, Captain!”
“So cool! Reaching new heights … literally [airplane, thumbs up emojis].”
Kung matatandaan, noong Setyembre lamang nang ibandera ng aktor na tutuparin na niya ang childhood dream na maging isang piloto.
“It has always been my dream when I was a kid,” saad niya sa dating post.
Chika pa niya, “There’s that certain level of respect when you meet pilots. You know, when you look up in the sky, parang [you ask yourself], how does that even work? How do they fly?”
Samantala, bukod sa pagiging aktor ay sinubukan din niyang maging direktor at ginawa ang 2024 horror film na “Kuman Thong” kasama si Iris Lee, ang kanyang girlfriend at nagsilbing producer ng proyekto.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.