SB19 excited na sa 6th anniversary concert, lucky fans pwedeng maka-‘libre’? 

PHOTO: Instagram/@officialsb19

READY na bang makisaya ang A’TIN fans sa nalalapit na selebrasyon ng Pinoy pop sensation na SB19?

Malapit na kasi ang inihandang thanksgiving concert ng grupo para sa pagdiriwang ng kanilang ika-6th anniversary.

Ang show ay nakatakdang mangyari sa Araneta Coliseum sa darating na October 26 at 27, Saturday and Sunday.

Sa isang Facebook video, chinika ng main vocalist, lead dancer and main choreographer na si Stell ang mga dapat abangan ng fans.

“We have prepared special performances and a lot of exciting activities for you,” sey niya.

Baka Bet Mo: SB19 inalay sa A’TIN ang lahat ng tagumpay: Kung wala sila wala rin kami

Ibinunyag naman ng main dancer, lead rapper and lead vocalist na si Felip na may sorpresa sila sa piling lucky fans.

“Win an opportunity of high touch and group photo sessions with us for selected lucky fans,” wika niya.

Bukod diyan, pwedeng-pwede rin daw magkaroon ng libreng concert tickets ang lucky fans.

“Head on to the nearest participating Dunkin’ store near you to avail these special bundles and get your free concert tickets now!” wika ng lead rapper at vocalist na si Josh.

Mensahe pa ng SB19 sa kanilang loyal fans, “See you soon, A’tin!”

Para maka-avail ng libreng tickets, sundan lang ang step-by-step na mechanics na makikita sa Facebook page ng sikat na donut store.

Magugunita noong Agosto lamang nang umarangkada sa big screen ang kauna-unahang documentary film ng P-Pop kings na pinamagatang “Pagtatag! The Documentary.” 

Tungkol ito sa mga pinagdaanang hamon sa kanilang karera, pati na rin ang mga isinasagawang tour sa iba’t-ibang bansa.

Bukod diyan, ibinandera rin diyan ang ilang never-before-scene moments nila bilang grupo.