Danica Sotto ‘excited’ maging parte ng talent agency ni Maja Salvador
PHOTO: Instagram/@danicaspingris
MAY bagong milestone at journey sa showbiz career si Danica Sotto-Pingris!
Siya ay pumirma ng kontrata sa Crown Artist Management, ang talent agency ng aktres na si Maja Salvador.
Ang exciting news ay ibinandera mismo ni Danica sa isang Instagram post kamakailan lang kung saan makikita ang ilang pasilip ng naganap na intimate contract signing event.
Present din sa event ang mister ni Maja na si Rambo Nuñez, at ang Crown talent manager na si Vania Padilla Edralin.
Baka Bet Mo: Danica Sotto sa mga produkto ng broken family: Marriage lang nila ang nag-end pero ikaw hindi…
“Beyond excited to be part of the @crownartistmgmt family!” caption ng celebrity mom sa IG.
Mensahe pa niya, “Thank you for the warm welcome and looking forward to all the amazing moments ahead.”
View this post on Instagram
Sa comment section, nagpaabot ng suporta ang ilang fans, pati ang mga kaibigang celebrities na sina Maja at Mariel Rodriguez-Padilla.
“Congratulations danica!!!! [red heart emojis],” lahad ni Mariel.
Habang tatlong yellow heart emojis naman ang komento ni Maja.
Para sa mga hindi masyadong aware, hawak ng Crown Artist Management ang ilang artist, kabilang na riyan sina Miles Ocampo, John Lloyd Cruz, Jasmine Curtis-Smith, Gelli de Belen, and Marvin Agustin, at marami pang iba.
Kung matatandaan noong Mayo, na-confine sa ospital si Danica upang sumailalim sa gallbladder operation.
Ngunit bago ‘yan ay naging usap-usapan sila ng kanyang mister na basketball player na si Marc Pingris matapos ma-link sa aktres na si Kim Rodriguez.
Nag-viral kasi sa socmed ang magkahiwalay na litrato nina Marc at Kim na kapansin-pansin na kinunan sa iisang lugar sa Australia.
Agad naman itong pinabulaan ng basketbolista at sinabing nakasama lang niya si Kim sa isang basketball event at noong minsa’y naging muse ito ng kanilang team.
Taong 2007 nang ikinasal si Marc kay Danica, at mayroon silang tatlong anak ngayon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.