Kiana V nagbigay-pugay sa pamilya sa bagong single na ‘Sana’
PHOTO: Courtesy of Sandro Tolentino
NAGLABAS ng bagong R&B banger si Kiana V, ang anak ni Mr. Pure Energy na si Gary Valenciano.
Ito ang kantang “Sana” na tampok ang ilang samples mula sa kantang “Sana Maulit Muli” ng kanyang ama at written by her mom na si Angeli Pangilinan.
Ang latest single ng young singer ay parehong kinanta sa Ingles at Tagalog na tungkol sa “second chances” at “power of love.”
“With her crooning soul stylings, honey-smooth vocals, and the effortless weaving of Tagalog with English, Kiana V simultaneously stays true to her roots and reaches new heights, transcending boundaries and making us melt with the push-and-pull of yearning for that true love that got away,” ayon sa press release.
Chika naman ni Kiana, “‘Sana’ is a song for and about all the ones that got away.”
Aniya pa, “It’s about acknowledging that you wouldn’t change the past, but you can’t bring this person with you into the future.”
Naikuwento rin ng singer na ang bagong kanta niya ay inanunsyo noong birthday ni Gary V noong August 16 at ito naman ay inilabas noong kaarawan naman ng kanyang ina noong August 26.
Sa kasalukuyan, abala si Kiana sa pagbuo ng kanyang full-length album na nakatakdang ilabas sa taong 2025.
Ilan lamang sa mga pinasikat niyang kanta ay ang “Does She Know”, “Misfits,” “Corners” at “Safe Place” na umaani na ng mahigit 43 million Spotify streams.
Samantala, ang “Sana” ay mapapakinggan na sa lahat ng digital music platforms.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.