Anthony Jennings labas sa hiwalayang Maris Racal at Rico Blanco
NILINAW ng Kapamilya actress na si Maris Racal na walang kinalaman ang kanyang ka-love team na si Anthony Jennings sa paghihiwalay nila ni Rico Blanco.
Kahapon, July 12, humarap sa media ang Kapamilya actress para sa Star Magic presscon kung saan inamin niya na ilang linggo na rin ang nakalilipas buhat nang maghiwalay sila ng singer-songwriter.
“It’s fresh. It’s been weeks, loneliest and emptiest weeks I’ve ever experienced in my life,” pagbabahagi ni Maris.
Baka Bet Mo: Maris Racal, Anthony Jennings magpapakilig uli, may bagong project together
View this post on Instagram
Aniya, natatakot siyang aminin ito sa publiko dahil kapag inanunsyo na niya ang malungkot na balita ay talagang totoo ang pangyayari at hindi na niya ito mapipigilan pa.
“Well.. wala akong short answer for it. Hindi ko rin siya malabas na isang statement lang kasi hindi ganoon kadali. Hindi ganoon kadali [kasi] sobrang complicated niya… ng situation. Rico and I, our universe was so beautiful. It was so full of love, laughter, and music, everything.
“Sa 5 years namin together, we are always on the same page, always on the same page. And I don’t know what happened to that,” sey ni Maris.
Kasabay nga ng pag-amin niya ay ang pag-ugong ng balita na baka may kinalaman ang kanyang ka-love team na si Anthony sa isyu.
Matatandaang talagang biglang nag-boom sa madla ang tambalan mg dalawa matapos ang unexpected na pagpapareha sa kanila sa series na “Can’t Buy Me Love”.
Paglilinaw ni Maris, walang third party involved at wala ring kinalaman si Anthony sa kung anuman ang rason kung bakit sila naghiwalay ni Rico.
“Anthony is out of the picture. It’s just mainly me and Rico. Mainly me, I’m the issue.”
Nakiusap naman si Maris na sana’y respetuhin ang desisyon nila ni Rico sa kanilang break-up.
“This is the only time I will talk about it. Since while we’re at it, I would like to humbly ask the public to look at us, Rico and I, with understanding and love because we’re both grieving.
“Hindi naman mako-control yung mga opinyon ng tao, but please don’t direct your hate towards Rico because he’s too precious for that. If you guys are ready to throw some punches, I’m willing to take them.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.