Maris Racal, Anthony Jennings magpapakilig uli, may bagong project together
Maris Racal, Anthony Jennings, JP Laxamana
MULING magpapakilig sa fans sina Maris Racal at Anthony Jennings o mas kilala bilang “SnoRene” sa TV series na “Can’t Buy Me Love.”
Muli kasi silang magsasama at magtatambal sa isang proyekto kasama ang film director na si JP Laxamana.
Sa Instagram post ni Maris, makikita na nakipagkita sila ni Anthony sa direktor, pati na rin sa ilang staff.
Wala pang detalye kung ano ang gagawin nilang project at ang caption lamang ng aktres sa nasabing post ay, “Hi” na may kasamang smiling face emoji.
Baka Bet Mo: BF ni Maris na si Rico na-meet na ni Anthony: Mag-love triangle tayo, bro?
View this post on Instagram
Sa comment section, makikita na sabik na sabik na ang direktor na makatrabaho si Maris.
“After 8 years!!!! Makakatrabaho na kita ulet,” sey niya.
Si Direk JP ay kilala sa mga pelikulang “100 Tula para kay Stella,” “Just a Stranger,” “Between Maybes,” at marami pang iba.
PHOTO: Instagram/@mariestellar
Nag-post din si Anthony ng tulad kay Maris, pero ang wika naman niya: “Don’t forget to pray everyday. Maraming salamat po!”
Baka Bet Mo: Donny very proud sa success ng Maris-Anthony loveteam sa Can’t Buy Me Love
View this post on Instagram
Tuwang-tuwa rin ang fans sa masayang balita ng dalawa at talaga namang looking forward sila sa bagong pagtatambalan nina Maris at Anthony.
Narito ang ilan sa mga nabasa namin sa comment section:
“Can’t wait!! [happy face with heart eyes emojis] ano yarn??? [clapping hands emojis]”
“SHOCKSSS!! ITO NA TO!!!! TEAM SNORENE FORDAWIN!!!!!!!!”
“Movie? Teleserye? [red heart emoji] All I know is, WE ARE EXCITED!!! [happy face with heart eyes emoji]”
“Deserved Nyo yan Maris and Anthony [red heart emojis], I love SnoRene ever”
Recently lamang, bumida ang dalawa sa music video ng singer-actor na si Darren Espanto para sa latest single niya na “Iyo.”
Ang tambalan nina Maris at Anthony ay sumikat dahil sa “Can’t Buy Me Love” kasama ang love team partners na sina Donny Pangilinan at Belle Mariano, pati na rin sina Kaila Estrada, Karina Bautista, Rowell Santiago, Agot Isidro, Ruffa Gutierrez, Nova Villa, at marami pang iba.
Nalagay pa nga sa intriga noon ang SnoRene dahil sinasapawan daw nito ang DonBelle sa nasabing serye.
Pero paglilinaw ni Anthony, “Magkakaibigan lang tayo dito at wala namang [sapawan] sa amin.”
Ani pa niya, “Kailangan niyong magtulungan. Ang isang project, hindi pwedeng isa lang ang gumagawa…Paano niyo mabubuo ang story nang kayo lang? Kailangan niyo ng connection sa isa’t isa.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.