SB19, BINI, Belle Mariano hakot nominasyon sa Awit Awards 2024
SB19, BINI, Belle Mariano
IBINANDERA na sa social media ang mga nominado para sa ika-37th edisyon ng Awit Awards.
Ilan lamang sa mga humakot ng approved entries ay ang P-Pop Kings na SB19, P-Pop girl group na BINI, pati na rin ang singer-actress na si Belle Mariano!
Ilan lamang sa mga kategorya na nakasama ang SB19 ay ang Album of the Year, Record of the Year, Song of the Year, Best Performance by a Group, Music Video of the Year, at Best Performance by a Solo Artist.
Ang smash hit na “Pantropiko” ng BINI, kasali sa Record of the Year, Song of the Year, Best Pop Recording, Best Engineered Recording, Best Performance by a Group, at Best Vocal Arrangement.
Kabilang rin ang girl group sa mga pagpipilian sa Best Inspirational Recording at Music Video of the Year.
Baka Bet Mo: Ben&Ben sa paghakot ng tropeo sa Awit Awards: Sulit lahat ng dugo’t pawis namin dito, Liwanag!
Ang “Bugambilya” naman ni Belle ay nasa listahan ng Song of the Year, Best Ballad Recording, Best Traditional/Contemporary Folk Recording, at Best Vocal Arrangement.
Napabilang rin sa Best Collaboration ang isa pang kanta ng aktres na “Autumn.”
Ang ilan pang music artists na naglalaban-laban para sa Song of the Year ay sina Maki, Denise Julia, Juan Karlos, at Zack Tabudlo and Al James.
Narito ang full list ng approved entries para sa upcoming awards event na ibinandera ng Philippine Association of the Recording Industry (PARI) sa Facebook.
Ang eligible entries sa event ay mga kanta, album, at iba pang music-related performances na ni-release mula January 1 hanggang December 31 ng taong 2023.
As of this writing, wala pang detalye kung kailan at saan gaganapin ang 37th Awit Awards.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.