Marina Summers PAK kay Vice: I’m so proud of you, you’re the best!
Marina Summers at Vice Ganda
KILIG na kilig ang drag queen na si Marina Summers nang makasama at makaharap niya nang personal ang Phenomenal Box-Office Star na si Vice Ganda.
Nangyari ang kanilang pagkikita sa naganap na “Love Laban 2 Everyone” concert sa Quezon City bilang bahagi ng Pride Month celebration nitong nagdaang June.
Sa kanyang X account, nag-post ang drag artist ng photo nila ng “It’s Showtime” host kung saan ibinahagi niya ang nakaka-inspire na mensahe sa kanya ni Vice.
Baka Bet Mo: Kiray namatayan uli ng mahal sa buhay: Durog na durog ako, ba’t mo ‘ko iniwan Sister Marina?
“Hearing Meme Vice say ‘I’m so proud of you. You’re the best. The best,’ before I perform last night is probably one of the best things that has happened to me as an artist (like Ru’s Born to Do Drag levels),” sabi ni Marina sa kanyang tweet.
Dagdag pa niya, “@vicegandako you have always been a queer icon and inspiration for a lot of us Filipinos!
“I love you and thank you for being YOU! I will continue to make you and our community proud!” aniya pa.
View this post on Instagram
Sa huli, naichika rin niya sa madlang pipol ang binitiwang punchline sa kanya ni Vice, “Ps. Sabi niya, tsaka na daw ako mag-retire pag mayaman na mayaman na ako and pag masakit na yung tuhod ko.”
Baka Bet Mo: Marina Summers pambato ng Pinas sa ‘Drag Race UK vs the World’
Sa isang hiwalay na post ni Marina Summers sa Instagram, makikita ang ilan pa niyang litrato kasama si Vice Ganda. Nakakataba ng puso at mas nakakalakas pa raw ng loob ang sinabi sa kanya ni Vice.
“Your brilliance and success need to be celebrated. You are our PRIDE,” ang mensahe raw sa kanya ng TV host-comedian at gay icon.
Si Marina Summers o Adrian Matthew Guinto Alabado sa tunay na buhay ay nakilala at sumikat nang bonggang-bongga sa first season ng “Drag Race Philippines” at sa second series ng “RuPaul’s Drag Race: UK vs. the World.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.