Taxi driver naloka nang sabihan ni Melai ng, ‘Kuya nalibog ako sa ‘yo!’
Jason Francisco at Melai Cantiveros kasama ang mga anak na sina Stela at Mela
LAUGH trip ang members ng entertainment press sa presscon ni Melai Cantiveros para sa bago niyang project, ang online Visayan talk show na “Kuan-On-One“.
Talagang tawanan at palakpakan ang lahat ng mga nasa mediacon kamakailan sa bawat punchline at bitaw ng salita ng Kapamilya TV host-comedienne.
Tulad na lang ng naging kuwento ni Momshie Melai nang tanungin siya kung naka-experience siya ng “language barrier” noong unang salta niya sa Maynila.
Baka Bet Mo: Melai payag bumida sa remake ng ‘Tanging Ina’ pero nahihiya kay Ai Ai
Aminado si Melai na medyo nahirapan siya sa pagsasalita ng Tagalog dahil nga isa siyang proud Bisaya. May mga pagkakataon na hindi sila magkaintindihan ng mga kausap niya rito sa Maynila.
View this post on Instagram
Nu’ng minsan daw na nag-taxi siya ay hindi niya masabi sa driver ang eksaktong lokasyon ng lugar na pupuntahan niya.
Dito raw niya nasabi ang salitang “nalibog”. Aniya raw sa taxi driver, “‘Kuya nalibog ako sa ‘yo,'” na ikinagulat daw ng taxi driver.
“‘So ang driver naman (sabi siguro niya) ‘Ang pangit ng mukha nito, nalibog sa akin?”
Paglilinaw ng TV host at komedyana, “Kasi ang ‘nalibog’ sa Bisaya, nalito!'”
Baka Bet Mo: Melai ilalaban ang paggaling ng tatay: Hindi ako nawawalan ng pag-asa, magdarasal ako para sa papa ko
Para sa mga hindi pa aware, ang salitang “libog” sa Tagalog ay may konek sa sex.
Samantala, pangungunahan mga ni Kuantie Melai ang kauna-unahang mainstream Bisaya talk show na maghahatid ng saya at makabuluhang aral and kwento sa mga Bisaya pati na sa lahat ng manonood sa “Kuan on One” na mapapanood sa ABS-CBN Entertainment YouTube channel at iWantTFC ngayong July 2.
Sa project announcement ng show, inilahad ni Melai ang kanyang excitement sa programa lalo pa at magagamit niya ang sariling lenggwahe sa paghahandog niya ng kasiyahan sa mga Bisayang katulad niya.
“Ini ang talk show na para sa mga Bisaya ug mga Bisaya at heart (Ito ang talk show para sa mga Bisaya at para sa mga Bisaya at heart),” ani Melai sa full trailer ng “Kuan on One.”
View this post on Instagram
Bukod sa pagiging plataporma para mas makilala pa ng publiko ang mga Bisaya na artista at maging isang relatable talk show para sa mga taga-Visayas at Mindanao, layunin din ng programa na maghatid ng saya sa mga online viewer.
“It’s all about happiness. Dito talaga iiyak ka sa tawa. Relaxation nalang nila (guests) ‘yung interview na Bisaya.
“It’s all about past na life nila and lahat ng pwede nilang sabihin under the sun in Bisaya na pwede nilang i-open up sa kanilang Kuantie,” sabi ni Melai sa mediacon.
Sa “Kuan on One,” makikita rin ng manonood ang ibang side sa kanilang mga paboritong celebrities lalo pa at mapapanood nila itong nagkukuwento gamit ang kanilang kinasayang wika na Bisaya sa paglahad ng iba’t ibang aspeto sa kanilang buhay.
Magiging guest ni Melai sa unang season ng show ang kapwa niyang “PBB” big winners na sina Kim Chiu at Maymay Entrata, BINI members na sina Aiah at Colet, Sheryn Regis, Vivoree, Jason Dy, Christian Bables, at marami pang iba.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.