Barbie Imperial pumalag sa fake news, hindi buntis kay Richard
HINDI pinalagpas ng aktres na si Barbie Imperial ang lumalabas na chika na siya raw ay buntis at ang ama umano ng kanyang dinadala ay si Richard Gutierrez.
Kalat na kasi ngayon ang Facebook post mula sa page na “Showbizfinds” kung saan ibinabalita nito na nagsasabing umamin raw ang aktres sa “Asia’s King of Talk” na si Boy Abunda na siya ay buntis at si Richard ang ama.
Makikitang maraming mga netizens ang naniniwala kahit na wala namang sapat na ebidensyang magpapatumay na totoo ang post dahil bina-bash na agad ng mga ito si Barbie.
Kaya naman agad na dinipensahan ng aktres ang sarili at pinabulaanang hindi totoo ang nasabing post.
Baka Bet Mo: Barbie Imperial nag-share ng bible verse, may konek nga ba kay Richard?
View this post on Instagram
“This page is posting lies and things that I never said. Please report. Report Showbizfinds Mga oragon patabang pls ” pakiusap ni Barbie.
“Lahat ng nag-report magkaka-jowa,” pahabol pa niya sa comment section.
Marami rin naman ang agad na nag-report sa naturang page at napag-alaman na hindi lang fake news patungkol kay Barbie ang kinakalat ng naturang page dahil may mga maling balita rin tungkol kila Kathryn Bernardo.
Matatandaang matapos mapabalita na hiwalay na sina Richard sa asawa nitong si Sarah Lahbati ay na-link ito kay Barbie matapos silang maispatang magkasama sa isang bar sa Alabang.
Kamakailan lang rin nang mamataang magkasama ang dalawang namamasyal sa South Korea nitong Mayo 2024.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.