Jillian Pamat wagi sa Voice Teens PH 3; Bamboo binigyan ng special award
Bamboo at Jillian Pamat (Photo courtesy of ABS-CBN)
ITINANGHAL na grand champion si Jillian Pamat ng Team Bamboo sa finale episode ng “The Voice Teens Philippines” season 3 kagabi, May 19.
Nakakuha si Pamat ng 53.09 percent public votes at tinalbugan nga ang mga nakalaban niya sa final round na sina Steph Lacuata mula sa Marteam ni Martin Nievera, at Yen Victoria ng Team Supreme ni KZ Tandingan.
Nakakuha si Steph ng 24.99% public votes at naka-gets naman ng 21.91% si Yen.
Umariba nang bonggang-bongga si Pamat sa rendition niya ng “Tag-ulan”, na pinasikat ng OPM band na After Image.
Baka Bet Mo: Sarah Geronimo ipinagpaliban muna ang concert sa Pampanga, anyare?
“Hindi ko po ito ine-expect,” ang pahayag ng nagwaging teenager matapos tanggapin ang kanyang cash prize na P1 million.
“Itutulong ko po ito sa pamilya ko kasi nakikitira lang po kami. Baka po hanap kami ng bagong matitirahan namin, ‘yung stable po,” sey pa ni Pamat.
Si Pamat ang ikatlong artist na nanalo sa naturang reality singing competition ng ABS-CBN mula sa Team Kawayan ni Bamboo.
View this post on Instagram
“I’m always going to be with her, and it extends to every Kamp Kawayan artist I’ve worked with.
Baka Bet Mo: Pumatay sa aso ni DJ Mo naaresto na…hustisya para kay Bamboo: He was beaten and left for dead in the desert
“From Mike Perez in Season 1 to JK (Juan Karlos Labajo), it’s been quite a journey. Tonight is about her (Jillian). I may walk away, but for her, it’s just the beginning,” sey ni Bamboo.
Samantala, binigyan din ng special recognition si Coach Bamboo sa final episode ng “The Voice Teens Philippines” Season 3 dahil sa pagiging bahagi ng show sa loob ng 10 season.
“It is humbling that I’ve been here for 10 seasons. I carry all my coaches with me, all the OG coaches as well.
“This season, I knew it was going to happen. Every time I sat on that chair, I knew it was the final moment at some point. There were a lot of emotions for me,” pahayag ni Bamboo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.