Eunice Jorge ng Gracenote nagpaka-‘fangirl’ sa UK band Glass Animals
PHOTO: Courtesy of UMG Philippines
“DREAMS do come true!”
Ito ang inihayag ni Eunice Jorge, ang bokalista ng electropop rock band na Gracenote, sa isang exclusive press release ng UMG Philippines.
Bukod kasi sa nakadalo siya sa concert ng iniidolo niyang UK band na Glass Animals na ginanap sa Indonesia, na-meet at nakausap pa niya ito sa personal!
Ipinadala ng music label sa BANDERA ang ilang pictures at videos ni Eunice na present din sa naging press conference ng international band.
Noong May 13 nang lumipad patungong Jakarta ang bokalista at ito ang kauna-unahang pagkakataon na nakasama niya ang lead vocalist ng international band na si Dave Bayley.
Baka Bet Mo: Kathryn Bernardo napa-surrender sa bonggang awra ng kanyang ‘mini me’ na si Eunice: I think she did it better
Mukang kinilig nang todo ang Pinay singer dahil sa ilang litrato na makikitang nakikipagtawanan at chikahan siya sa British frontman.
Sa Instagram naman, proud na ibinandera ng Pinay singer ang ilang moments sa concert.
Caption niya, “Glass Animals brought ‘Heat Waves’ to Jakarta! [fire emoji] Grateful to have witnessed it. Thank you, @umgph [sparle emoji].”
Wika pa ni Eunice, “I love you so f***ing much, @glassanimals [emoji] Please come to the Philippines soon!!”
View this post on Instagram
Makalipas ang isang araw, nag-post ulit siya sa IG ng ilan pang mga kaganapan sa tila fan meet niya sa Glass Animals.
Ayon kay Eunice, isa ito sa mga hindi niya malilimutang moments ng kanyang buhay.
“Here is the moment.. i will never forget [starstruck emoji],” lahad niya sa post.
View this post on Instagram
Kamakailan lang, ibinandera ni Eunice sa social media ang kanyang cover song ng “Creatures in Heaven,” ang isa sa hit songs ng naturang UK band.
Nakaabot pa nga ‘yan mismo sa banda dahil ni-like nila ang post ng OPM vocalist.
Bukod kay Eunice, ang Gracenote ay binubuo ng mga miyembro na sina Jazz Jorge, EJ Pichay at Tatsi Jamnague.
Kilala sila sa mga kantang “Babaeng Torpe,” “Antukin,” “When I Dream About You,” “Minsan Lang Naman,” at marami pang iba.
May apat na members din ang Glass Animals na sina Dave, Drew MacFarlane, Edmund Irwin-Singer, at Joe Seaward.
Ilan sa mga sikat nilang kanta ay ang “Heat Waves, “Take A Slice,” “Creatures In Heaven,” “Youth,” “Pork Soda.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.