Anak nina Janice at John na si Moira engaged na sa non-showbiz boyfriend
Moira Estrada at Alfonso Miguel
ENGAGED na ang anak nina Janice de Belen at John Estrada na si Moira Estrada sa boyfriend nitong si Alfonso Miguel.
Ibinandera ni Moira sa social media ang ginawang surprise proposal ng kanyang non-showbiz partner nitong nagdaang January 1, 2025, mismong Bagong Taon.
Makikita sa kanyang Instagram account ang mga naging kaganapan sa pagpo-propose ni Alfonso Miguel kay Moira kasama ang kani-kanilang pamilya at ilang malalapit na kaibigan.
Baka Bet Mo: Neri, Chito nagsimula nang magtanim ng mga puno sa Miranda Farm: After a year, may maha-harvest na kami
“This was how we planned to celebrate our third anniversary—working together on New Year’s Eve, followed by a simple dinner.
“But little did I know, he had something else in mind.
View this post on Instagram
“On a rainy night just past midnight on January 1, I said yes to my person,” ang caption ni Moira sa kanyang IG post nitong nagdaang Januay 3, 2025.
Mapapanood din sa kanyang Instagram post ang carousel ng ilang eksena sa naging journey ng kanilang relasyon ni Alfonso hanggang sa naganap na proposal noong Bagong Taon.
May pa-shoutout din si Moira para sa mga kapatid na sina Inah at Kaila Estrada na tumulong sa kanyang fiancé para maisakatuparan ang surprise proposal para sa kanya.
“Special mention to my roomie @kailaestrada who kept the secret while living together, and @alexdequatro and @inah for helping set up at the condo while we were both working,” sey pa ng anak ni Janice.
Ito naman ang message ni Moira sa kanyang future husband, “And to @alfonsomiguel_ ang galing mo I can’t wait to be your wife and I love you endlessly.”
Sandanakmak naman ang bumati kina Moira at Alfonso kabilang na siyempre ang kanyang Mommy Janice, “Happiest for you sweetheart! Looking forward to seeing you in this next phase!”
Si Moira ay pangalawa sa apat na anak nina John at Janice. Ang iba pa nilang mga anak ay sina Inah, Kaila, at Yuan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.