Marian humamig agad ng milyones sa ‘Marimar’ video, pero bakit nawala?
Marian Rivera
MILYUN-MILYONG views at comments agad ang nakuha ng viral na ngayong “Asoka Makeup Challenge” ni Marian Rivera sa TikTok.
Dito mapapanood ang transformation ng Kapuso Primetime Queen bilang Marimar, ang karakter na ginampanan niya noon na unang pinasikat ng Mexican actress na si Thalia.
Sa naturang post, makikita nga si Marian na nagme-makeup habang gumigiling sa theme ng iconic Kapuso series.
Aniya sa caption na inilagay ng asawa ni Dingdong Dantes sa kanyang TikTok video, “Bring you back to 2007 – Asoka style.”
Ang “Asoka” ay isang current trend ngayon sa social media mula sa traditional Indian bridal makeup “popularized in the 2001 Bollywood film Asoka” na pinagbidahan nina Kareena Kapoor Khan at Shah Rukh Khan.
Ngunit ang sad news, hindi na makikita sa TikTok account ni Marian ang naturang video as of today, April 28, dahil umano’y copyright issue na ginamit bilang background music.
View this post on Instagram
Bago ang pag-take down sa video ni Marian, nauna na siyang nag-post ng isang silhouette video ng isang girlalu na nagsasayaw sa instrumental theme ng “Marimar.”
Baka Bet Mo: Kathryn 2 kurso ang pinagpipilian sa college: Unang dream ko talaga maging makeup artist
Umabot na sa mahigit 16 million views at mahigit isang milyong likes ang nahamig ng nasabing video ni Marian.
Kung matatandaan, bumida sina Marian at Dingdong Dantes sa Philippine adaptation ng “Marimar” na umere sa GMA 7 noong 2007.
Si Angel Locsin ang first choice sa nasabing project pero tinanggihan ito ng aktres kaya nagpa-audition ang GMA kung saan si Marian nga ang napili.
Matagal nang abangers ang mga fans na makita ang kanilang idol na muling gawin ang kanyang iconic dance sa “Marimar” para sa TikTok.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.