Sharon may problema kay KC: I’m very, very hurt…pero tiis-tiis na lang

PINATUNAYAN ng singer-actress na si KC Concepcion na nirerespeto at hinahangaan pa rin niya ang inang Megastar na si Sharon Cuneta.

Ngayong Mother’s Day, nag-post si KC ng madamdaming mensahe para kay Shawie sa pamamagitan ng kanyang Instagram account, kalakip ang throwback photo nila together.

Dito, muling ipinaramdam ni KC ang pagmamaham sa kanyang ina sa gitna ng mga kumakalat na isyu na hanggang ngayon ay meron pa rin silang tampuhan.

“To my beautiful mama, it’s your day. I pray for us to enjoy life’s pleasures and adventures together soon,” sabi ni KC.

Sey pa niya, “You’re the first person I ever met, and ever loved, it’s because of you that I’m here today.

Baka Bet Mo: Sharon Cuneta sa kaso laban kay Cristy Fermin: There’s so much unfairness

“Trust in the way you raised me- I will always strive to make you proud and feel that having me was worth it. I love you,” mensahe pa ng singer-actress at entrepreneur.

Ibinahagi rin ni KC ang wish niya sa ina ngayong Araw ng mga Ina, “I wish I could give you the world so you wouldn’t have to worry about anything for another second. Happy Mother’s Day mama!”

Kamakailan, inilarawan ni Sharon ang relationship niya kay KC bilang “estranged.”

“Anuman ang problema namin ng panganay ko kasi at this point we’re estranged and I’m very, very hurt and there are things na tama na ‘yun, there are things na amin na lang.

“Pagbalik-baliktarin man ang mundo, mahal mo ‘yung anak mo eh, so tiis-tiis na lang bilang nanay pero darating sa point na ayaw mo na ring isiksik ang sarili ko sa akin. I’m tired,” aniya pa.