Max hindi naniniwala sa ‘marriage’, magdi-divorce na raw sila ni Pancho

Max Collins, Skye, Pancho Magno

PLANO nang maghain ng divorce sina Max Collins at Pancho Magno makalipas ang isang taong paghihiwalay.

Ibinunyag ito mismo ni Max sa GMA news program na “24 Oras” noong Biyernes, April 5.

Ayon sa report, kasalukuyan nang pinag-uusapan ng dating mag-asawa ang diborsyo bilang isang American citizen naman si Max.

“Because I’m an American citizen, I’ll divorce,” sey niya.

Chika pa niya, “It’s not active as of now, but soon. We already talked about it. So that’s something we’re working on.”

Baka Bet Mo: Max, Pancho sabay ipinagdiwang ang birthday ng anak, netizens saludo sa co-parenting ng ex-couple

Nabanggit din ng aktres na bukas siya sa pagkakaroon ng bagong lovelife, pero dahil sa kanyang karanasan ay mas magiging maingat na siya.

“Ako, I don’t believe in marriage. No, I’m sorry, I don’t,” sambit niya sa interview.

Paliwanag ni Max, “I mean, I don’t personally. I believe in marriage for everyone else, [but] I think for me, I feel like that doesn’t –hindi ‘yun ‘yung basehan of what love means to be married.”

“You can still love each other and can be together without being married. It’s really a commitment. So even if you marry each other, that doesn’t mean you will be together forever,” ani pa niya.

Nilinaw rin ni Max na kahit hiwalay na sila ng dating mister, maayos naman ang co-parenting setup nila sa kanilang anak na si Skye.

“We’re good, we’re great. It really works for us,” wika niya.

Pagmamalaki pa ng aktres, “It’s been very healthy and we’re both happy and our son is very happy. So it really worked out for the best.”

Kung matatandaan, ikinasal ang dalawang Kapuso stars noong 2017.

Noong May last year naman nang tinuldukan ni Max ang matagal nang usap-usapan na hiwalay na sila ni Pancho.

Ayon sa naging interview niya with Boy Abunda, kasagsagan pa ng pandemya nang magdesisyon sila ng aktor na tapusin na ang kanilang pagsasama bilang married couple.

“We split up a long time ago during the pandemic and we didn’t talk about it because marami kaming pinagdaanan as a family that time, there was a pandemic, nanganak ako, our marriage was falling apart,” pag-amin ni Max.

Mutual decision daw nila ng aktor ang itago muna sa publiko ang kanilang breakup para iwas-intriga at chismis, lalo pa’t meron silang anak na pinangangalagaan at pinoprotektahan.

Ayon pa sa kanya, hindi naman sila basta bumitaw sa kanilang relasyon dahil kahit medyo mahirap na para sa kanila ni Pancho ang sitwasyon ay nag-try pa rin sila na i-save ang kanilang relasyon.

“Tito Boy, we’ve been together for like eight years total? Nilaban namin hangga’t kaya ng mga puso namin in a sense na dumating ‘yung point na we stop becoming in denial about it,” ani ng aktres.