Robi, Maiqui 1 buwan nang mag-asawa, nag-honeymoon sa Vietnam?
PHOTO: Instagram/@jajasamaniego
IPINAGDIRIWANG ngayon nina Robi Domingo at Maiqui Pineda ang isang buwan ng pagiging mag-asawa.
Sa isang Instagram post, ibinandera ni Robi ang ilang pictures ng masasayang moments ng kanilang kasal at nag-alay pa siya ng tula para sa kanyang misis.
“Lumipas ang isang buwan/ Marami man ang pagdaanan/ Ikaw pa rin ang sasabihan/ At tatawaging aking tahanan,” wika niya sa IG.
Baka Bet Mo: Robi, Maiqui naging magdyowa dahil kay Piolo: We owe him everything!
View this post on Instagram
Shinare din ni Maiqui ang post ni Robi para sa kanya sa Instagram Stories at proud na inilahad ang caption na: “One month [red heart emoji].”
PHOTO: Instagram Story/@maiquipd
Sa ngayon, kasalukuyan nagbabakasyon sa vietnam ang newly wed couple na masaya nilang ibinandera sa kanilang IG pages.
Baka Bet Mo: Melai kay Robi: ‘Nagpapakengkoy ka kay Maiqui, kahit deep inside…in pain’
PHOTO: Instagram/@iamrobidomingo, @maiquipd
Apat na taong naging mag-dyowa ang dalawa bago pa sila ma-engage noong 2022.
Nangyari ang kanilang kasal noong January 6 sa Diocesan Shrine and Parish of San Isidro Labrador sa Bulacan na dinaluhan ng kani-kanilang pamilya at ilang malalapit na kaibigan.
Ilan sa mga principal sponsors sa kasal nina Robi at Maiqui ay sina ABS-CBN CEO and President Carlo Katigbak, ABS-CBN COO for Broadcast Cory Vidanes at Star Magic head Laurenti Dyogi, Piolo Pascual, ang mag-asawang Ogie Alcasid at Regine Velasquez, Vicki Belo, and former Vice President Leni Robredo.
Nagsilbing groomsmen naman sina Donny Pangilinan at Darren Espanto habang ang ex-couple na sina Daniel Padilla at Kathryn Bernardo ang naging candle bearers.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.