Manila Luzon to the highest level ang ‘fangirling’ kay Vice Ganda
PHOTO: Instagram/@manilaluzon
ISA palang fan ni Vice Ganda ang sikat na Filipino-American drag queen na si Manila Luzon.
Sa isang Instagram post, masayang ibinandera ng drag queen ang kanyang “fangirling” moments kasama ang Unkabogable Star.
Mapapanood ang ilang video clips ng kanyang guesting sa noontime show na “It’s Showtime,” pati na rin ang selfie picture nilang dalawa ni Vice.
Excited niyang caption sa IG, “I met Filipino Royalty!”
Kwento niya, “I’ve been such a fan of Vice Ganda for years from when I first heard that one of the most successful, most celebrated, most famous celebrities in the Philippines was a leader of the Filipino LGBTQ+ community, and a TRUE QUEEN!”
“I fan-girled so hard! Thank you, [Vice Ganda], for supporting ‘Drag Den Philippines’ and inviting me to ‘It’s Showtime’,” mensahe pa niya sa komedyante.
Baka Bet Mo: Vice Ganda ‘napikon’ sa mangungutang na ex: Nasundo ‘yung pika ko
View this post on Instagram
Tuwang-tuwa rin si Vice Ganda sa pagkikita nila ni Manila Luzon at nag-post din siya ng kanilang picture sa Instagram Stories.
Ang inilahad niya sa post, “Icons only.”
PHOTO: Instagram Story/@praybeytbenjamin
Para sa mga hindi aware, si Manila Luzon ay nakilala at sumikat matapos lumaban ng ilang beses sa American reality competition na “RuPaul’s Drag Race.”
Siya ay sumali sa season three, “All Stars 1” at “All Stars 4” ng nasabing television series.
Sa kasalukuyan, siya ang host at chief judge ng “Drag Den Philippines.”
Ang cast members ng second season ng nabanggit na show ay sina Deja, Margaux Rita, Elvira B, Feyvah Fatalé, Maria Lava, Mrs. Tan, Moi, Marlyn, Jean Vogue at Russia Fox.
Parte rin ng reality competition si Miss Grand International 2016 first runner-up Nicole Cordoves bilang “drag dealer,” at ang internet personality na si Sassa Gurl as “drag runner” naman.
Ongoing ang streaming ng “Drag Den Philippines” Season 2 na nag-umpisa noong January 18 at mapapanood lamang sa Prime Video Philippines.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.