Jinkee, Manny naka-bonding si Vanness Wu, hirit ng netizens: ‘Sana all talaga!’
PHOTO: Instagram/@jinkeepacquiao
TRENDING sa social media ang Vietnam trip ng mag-asawang Jinkee at Manny Pacquiao.
Paano ba naman kasi, na-meet at naka-bonding nila ang sikat na Taiwanese-American singer-actor na si Vanness Wu!
Kung maaalala, sumikat si Vanness sa Pilipinas dahil sa “Meteor Garden” na ipinalabas noong 2001.
Isa siya sa original members ng F4 kasama ang iba pang Taiwanese actors na sina Jerry Yan, Ken Chu, at Vic Chou.
Sa Instagram, ibinandera ni Jinkee ang ilang litrato with his husband at ng Taiwanese star kalakip ang caption na, “Nice meeting you @vannesswu [blushing happy face emoji].”
Baka Bet Mo: Jinkee tanggap ang anak ni Manny sa ibang babae, nag-dialogue pa raw ng, ‘Go ahead, suportahan mo ‘yan’
View this post on Instagram
Kasunod niyan ay ipinost din ng asawa ni Pacman ang isang video na tila nasa isang dining room na kung saan makikitang nag-uusap at nagtatawanan silang tatlo kasama ang iba pa nilang mga kaibigan.
View this post on Instagram
Baka Bet Mo: Bibig, ilong, cheekbone ni Jinkee Pacquiao pinagtripan ng bashers, Cristy Fermin to the rescue
Sa comment section, makikita na bilib na bilib nanaman ang netizens sa mag-asawa at karamihan sa kanila ay napapa-sana all nalang ulit.
Narito ang ilan sa mga nabasa namin sa comment section:
“Grabeeee [red heart, fire emojis] inggitt [monkey emoji]”
“My goodness! @jinkeepacquiao I’m so kilig! [happy face with hearts emoji] sana all talaga! Happy for you [red heart, folded hands emojis].”
“Omg crush ko si Vanness Wu sa Meteor Garden [happy face with heart eyes emojis].”
Alam niyo bang fan ni Vanness ang ating Pambansang Kamao?
Ibinunyag ‘yan mismo ng Taiwanese-American actor sa dating interview.
Binigyan pa nga siya ni Manny ng boxing glove na may pirma niya.
Taong 2015 nang huling bumisita sa Pilipinas si Vanness bilang special guest sa isang fashion show.
Samantala, hindi ito ang unang beses na may nakilalang sikat na international star sina Manny, Jinkee at pamilya nila.
Ilan lamang sa mga na-meet na nila in-person ay ang Super Junior members na sina Eunhyuk at Heechul, South Korean actor Ji Chang Wook, pati na rin ang K-Pop star na si Sandara Park ng 2NE1.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.