Michelle Dee itinalaga ng DOT bilang bagong tourism ambassador
Michelle Dee
SUPER happy ang Miss Universe Philippines 2023 na si Michelle Dee matapos siyang italaga bilang pinakabagong Tourism Ambassador ng bansa.
Nitong Biyernes, December 1, iginawad sa Kapuso actress-beauty queen ng Department of Tourism ang pagiging ambassador upang i-promote ang kagandahan ng Pilipinas.
Ang magandang balita ay ibinahagi ni Michelle sa kanyang Instagram account ngayong araw, December 2.
“Full circle moment. #MMDNewDOTAmbassador,” saad ng Kapuso beauty queen.
Chika pa ni Michelle, “I’ve always been proud to call the Philippines my home and to call myself Pinoy! To be able to work closely with the Department of Tourism to achieve our shared goal of promoting #FILIPINAS is a dream come true. Maraming Salamat sa tiwala.”
Super happy naman para sa aktres ang kanyang mga tagasuporta.
Baka Bet Mo: Michelle Dee hihingi ng sign sa universe kung sasali uli sa beauty contest
View this post on Instagram
Bumuhos rin ang congratulatory messages ng mga netizens sa bagong achievement ni Michelle.
“No matter where the Universe takes me, I will always be proud to call the Philippines my home, and no matter what happens, I will be proud to call myself Pinoy. – @michelledee
***The newest and perfect Tourism
Ambassador of the Philippines! Ny her love for the country shines through words and actions. Definitely gonna boost our tourism.
Congrats to the People’s Queen!” saad ng isang netizen.
Comment naman ng isa, “You won the hearts of the Filipinos. Iba ka Michelle. You are a sui generis (a class of your own).”
“Dora the Explorer ka na po talaga.
Congratulations at tsaka tumaas na naman po followers ninyo sa IG,” hirit naman ng isa.
Matatandaang kamakailan lang ay muling binuhay ni Michelle ang rank ng Pilipinas sa Miss Universe 2023 nang matapos ang journey nito bilang isa sa Top 10 finalists.
Bukod pa rito ay hakot awards rin ang dalaga matapos itong manalo ng special awards sa prestihiyosong beauty pageant bilang “Best National Costume Award,” “Spirit of Carnival Award,” “Miss Universe’ fan vote,” at ang “Voice for Change Award,” kung saan na-highlight ang kanyang adbokasiya para sa autism acceptance at empowerment.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.