Klarisse de Guzman naging ‘sign’ si Michelle Dee para mag-out
ISANG sign para sa Kapamilya singer na si Klarisse De Guzman ang naging pagpasok ni Miss Universe Philippines 2023 Michelle Dee sa Bahay ni Kuya.
Matatandaang noong Sabado, March 30, pumasok si Michelle bilang isang house guest sa pinakabagong edisyon ng “Pinoy Big Brother: Celebrity Collab”.
Sa pagpasok ng actress-beauty queen ay isang task ang ibinigay sa kanya para mas makilala pa ang mga netizens at ito ang ginamit na pagkakataon ni Klarisse para amining parte siya ng LGBTQIA+ community.
At sa latest episode na ipinalabas nitong Miyerkules, April 2, naganap ang kanyang pag-amin.
Baka Bet Mo: Klarisse de Guzman umaming bisexual, 4 years nang may girlfriend
View this post on Instagram
Saad ni Klarisse, “Sa tingin ko, ito na ‘yong time para sabihin sa inyong lahat, and to tell the world, that I am not straight. I am bi.
“May four-year akong partner. Her name is Trina. Hindi alam ng public, pero alam ng parents ko. And kasama ngayon ng mama ko is her.”
Bagamat noong una ay pinag-iisipan niyang mabuti kung handa na ba siyang aminin ang matagal nang tinatago ay unti-unti siyang maging desidido lalo na nang makita si Michelle na umamin rin noon na isang bisexual.
“Ang tagal ko na pong iniisip kung kailan po ang tamang panahon para ikwento ko po rito sa mga tao rito sa bahay and actually nung nakita ko po si Michelle Dee, parang naisip ko na is this a sign,” lahad ni Klarisse.
Dagdag pa niya, “Until nung nalaman ko ‘yung task, buo na po sa dibdib ko na, I think ito na, this is it at ayun na, nagawa ko and I’m so proud and I’m so happy of myself that I’m finally out.”
Masaya naman si Michelle Dee sa ginawang pag-amin ni Klarisse.
“Besides na kinilig ako for her, I feel so proud that I’m able to stand as an inspiration and a source of strength to disclose something as big as that. Alam ko po ‘yung fear. Napagdaanan ko po ‘yung fear na ang hirap din magpakatotoo nang ganoon dahil sa industriya kung nasaan tayo,” sey ni Michelle.
Sa ngayon ay super happy ang love life ni Klarisse kasama ang non-showbiz girlfriend na si Christrina Rey.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.