Valentine Rosales ‘nakulangan’ sa performance ni Michelle Dee sa Miss Universe 2023 prelims, wala raw wow factor?
Valentine Rosales at Michelle Dee
INOKRAY ng social media personality na si Valentine Rosales ang representative ng Pilipinas para sa Miss Universe 2023 na si Michelle Dee.
Nag-post kasi ito sa kanyang Facebook post ukol sa kanyang naging obserbasyon sa Kapuso actress matapos ang Miss Universe 2023 preliminary competition na naganap kahapon, November 16 (Philippine time).
“Syempre kailangan natin mag bigay support sa Philippines this Miss Universe pero sa totoo lang. Walang ka dating dating si Michelle Dee,” saad ni Valentine.
Dagdag pa niya, “Ewan ko parang sa lahat ng naging representative ng muph bored na bored ako sa itchura niya napaka plain. Kahit anong i-ayos sakanya. Wala siyang WOW factor.”
Bukod pa rito, ikinumpara rin ni Valentine ang performance ni Michelle sa mga Miss Universe title holders na sina Pia Wurtzbach (2015) at Catriona Gray (2018) maging sa mga nagdaang representatives ng Pilipinas para sa naturang international pageant na sina Gazini Ganados (Top 20, 2019), Rabiya Mateo (Top 21, 2020), at Beatrice Gomez (Top 5, 2021).
Aniya, “Napaka layo niya kay Pia, Cat, Gazini, Rabiya, Beatrice. Sobrang boring…. Ang maganda ngayong sa batch nila yung South Africa, Dominican Republic, Mexico and India.”
Baka Bet Mo: Valentine Rosales binawi ang ‘sorry’ kay Awra Briguela: Sabi ko na nga ba tama ako eh!
View this post on Instagram
Sa kabila naman ng kanyang mga hanash kay Michelle ay nananatili siyang nakasuporta sa kanya.
“Support ako sakanya! Syempre gusto ko siya manalo. Pero real talk lang ang plain and boring niya,” giit ni Valentine.
Sey pa niya, “Opinion ko to, kanya kanya tayo ng opinion.”
Marami naman sa mga netizens ang pumalag sa naturang paandar ni Valentine laban kay Michelle.
“There’s something in her,so smart and sincere advocacy that sets her apart from others. She is the modern day Margie Moran and Aurora Pijuan rolled into one. Full of class,” saad ng isang netizen.
Comment pa ng isa, “wag ka mag alala VALENTINE ROSALES next year ikaw na ilalaban ng pilipinas! sobrang lakas ng dating mo eh! na sstress na ang internet sayo bakla. pasikat ka masyado!”
Hirit naman ng isa, “Bet na bet ni bakla ng exposure oh!! Pansinin nyo kaseee!”
Anyway, gaganapin ang grand coronation night ng Miss Universe sa Sabado, November 18 sa National Gymnasium ng San Salvador, El Salvador ngunit mapapanood ito sa Pilipinas ng Linggo ng umaga., November 19.
Related Chika:
Michelle Dee tribute kay Melanie Marquez ang evening gown na inirampa sa Miss Universe prelims
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.