Si Kobe Paras ang nakipaghiwalay kay Kyline Alcantara; hindi raw ‘cheater’
Jackie Forster, Kobe Paras at Kyline Alcantara
SUNUD-SUNOD ang naging pasabog na rebelasyon ng dating aktres na si Jackie Forster tungkol sa paghihiwalay ng kanyang anak na si Kobe Paras at Kapuso actress Kyline Alcantara.
Matapos mag-viral ang mga cryptic post niya sa social media, nagsalita na nga si Jackie tungkol sa nalalaman niya hinggil sa controversial breaup nina Kobe at Kyline.
Sa pamamagitan ng isang video na ipinost niya sa Instagram kagabi, April 27, kinumpirma ni Jackie na hiwalay na nga ang celebrity couple kasabay ng paglilinaw na never nag-cheat ang anak.
Sabi ni Jackie, naiwasan sana ang kung anu-anong naglalabasang espekulasyon at akusasyon ngayon laban kay Kobe kung hindi raw nakiusap si Kyline sa tatay na ni Kobe na si Benjie Paras.
“So much of this mess could have been avoided if people on Kyline’s team didn’t ask Benjie to tell the public that they were still okay. Why couldn’t they admit it? Because of contracts,” ang bahagi ng pahayag ni Jackie.
May kinalaman daw sa mga kontrata ni Kyline kaya hindi pa nito diretsahang maamin na hiwalay na sila ni Kobe.
View this post on Instagram
“Some things were said and done, that were, let say red flag. For the next few months, Kobe had a few more encounters with Kyline’s parents that really put them off,” pahayag pa ni Jackie.
Sa katunayan, nag-effort pa raw ang anak nila ni Benjie na maayos ang isyu nila ni Kyline pero may ginawa at nasabi raw kay Kobe ang aktres na tinawag niyang “unforgivable”.
“So, he finally left. Kobe gives his all. He’s generous. He’s kind. He sticks to one but when he made to feel a certain way, he’s done,” aniya.
Hindi rin daw maintindihan ni Jackie kung bakit hinahayaan lamang ni Kyline na tawaging “cheater” si Kobe gayung wala naman talagang third party involved sa breakup nila.
“You’re allowing Kobe to be painted as the villain. All because he didn’t want to be with you anymore,” saad ng dating aktres.
Isa pang revelation ni Jackie tungkol daw kay Kyline, “You let him borrow your car and stay at your place while he was waiting on the condo that he wanted to buy, only for you and your family to belittle him.
“He was there because you asked, and he stayed because he wanted to try. Trying to make it all work,” sey niya.
Patuloy pang pahayag ni Jackie, “He was already distant. You’re grabbing his phone and you physically assaulted him and in a manner that was provoking.
“Why? Why would you do that? Why would you put Kobe in that position? Why do you need to be violent?” ang pagbabahagi pa ng nanay ni Kobe.
Habang isinusulat ang artikulong ito ay wala pang pahayag si Kyline. Bukas ang BANDERA sa magiging reaksyon ng Kapuso star sa mga naging pasabog na pahayag ni Jackie Forster.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.