Michelle Dee nasa El Salvador na, enjoy na naki-’mingle’ sa mga kandidata ng MU
PHOTO: Instagram/@themissuniverseph
NASA El Salvador na ang ating pambato na si Michelle Dee para sa kanyang laban sa Miss Universe competition.
Sa isang Instagram post nitong November 4, proud na ibinandera ni Michelle ang ilang pictures at videos ng kanyang pagdating sa nasabing bansa.
Kabilang na riyan ang kanyang solo pictures habang itinataas ang hawak na watawat ng Pilipinas, pati na rin ang pagsalubong sa kanyang ng Filipino community sa airport.
Makikita rin sa post ang picture nila ng creative director ng Miss Universe Philippines na si Jonas Gaffud.
“Touchdown, El Salvador!” wika niya sa IG.
Patuloy niya, “So incredibly grateful that I arrived safe along with my cargo. Maraming salamat, Salvadorians and of course to the @missuniversosv & @missuniverse organizations for such a warm welcome [emojis].”
Baka Bet Mo: Michelle Dee handang-handa na sa Miss Universe pageant: ‘I’m giving everything…200% of myself’
View this post on Instagram
As of this writing ay nasa Day 2 na si Michelle sa El Salvador at makikita sa kanyang Instagram Stories na mukhang enjoy na enjoy siyang nakikipag-bonding sa ilang mga kandidata ng nasabing kompetisyon.
Ilan lamang sa mga nakasama niya ay sina Miss India, Miss Laos, Miss South Africa, Miss British Virgin Islands, Miss USA, Miss Hungary, at marami pang iba.
PHOTO: Instagram Stories/@michelledee
May IG Story din si Michelle na kung saan ay may hawak siyang camera na tila kinukunan ang isang staff.
Caption pa niya, “When they know you’re good with cameras [emojis] MMD as a creative director made it to the universe!!”
PHOTO: Instagram Stories/@michelledee
Magugunitang sinabi ni Michelle sa isang interview na handang-handa na siyang sumabak sa Miss Universe pageant.
Ang sabi pa nga niya, gagawin niya ang lahat ng kanyang makakaya upang maiwasan ang magkaroon ng anumang “flaws” o pagkakamali.
Tiniyak din ng Miss Universe Philippines 2023 na 200% ang ibibigay niya para sa kompetisyon.
“I’m giving it everything that I have. Two hundred percent of myself, I’m dedicating it to my crown,” sey niya.
Aniya pa, “I’m working on the different aspects of my campaign just to make sure that when I fly to El Salvador, I’m 100% ready. Walang mahahanap na butas.”
Kamakailan lang, nanguna na ang ating pambato sa online voting ng “Voice for Change.”
Si Michelle ay mayroon nang 139,837 votes, as of November 4, 9:40 a.m.
Samantala, nanawagan din ang local pageant organization sa publiko na huwag kalimutang iboto si Michelle sa “Fan Vote” category upang ma-secure ang kanyang spot sa semifinals.
Related Chika:
El Salvador susunod na host country ng 72nd Miss Universe pageant
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.