Anji Salvacion nakatanggap ng suporta mula kay Christian Bables: ‘Please never give up on learning your craft’
SA kabila ng mga batikos na natatanggap ng singer-actress na si Anji Salvacion ay nagpakita naman ng pagsuporta sa kanya ang batikang aktor na si Christian Bables.
Marami kasi ang nanlalait sa ipinapakitang pag-arte ng dalaga sa seryeng “Linlang” at maging ang talent manager na si Ogie Diaz ay lantarang nagbigay ng kanyang opinyon ukol sa kanyang acting.
Sa kabila ng mga negatibong komento kay Anji ay isang mensahe naman ng pagsuporta ang ibinahagi ni Christian para sa dalaga.
Ito ay ipinaabot niya sa “Pinoy Big Brother” winner sa pamamagitan ng pagpo-post sa kanyang X (dating Twitter) account.
“Dear Anji Salvacion, I am excited for you to unleash the brilliant actress in you.
“For as long as you admit there’s a huge room for improvement, ok na yun. The rest ingay lang.
Bandera IG
“Please never give up on learning your craft. Meron yan, Anji. I believe in you,” sey ni Christian.
Marami naman sa mga supporters ng dalaga ang natuwa sa ginawa ng award-winning actor.
“Eto ang tamang response. Yung iba dito sumasali na lang sa hate train. Iba yung bullying sa constructive criticism. I may not like Anji personally, but that doesn’t mean na hahamakin ko buong pagka tao niya just because hindi siya marunong umarte,” saad ng isang netizen.
Comment naman ng isa, “Good people do exist! Thank you for having the courage to publicly share your support for @anjisalvacion. You are an artist with great talent and one who understands first hand the challenges of beginners. One can definitely learn. May God bless you even more @chrisbables06.”
“Thank you for being the voice of artists like Anji against those people who are so judgemental and full of negativity. Thank you for using your platform to empower other artists. More blessings to you Sir!” sey naman ng isa.
Pinuri rin ni Christian si Kaila Estrada sa magaling nitong pagganap bilang “Sylvia” sa teleseryeng “Linlang”.
“KAILA ESTRADA. Soon to be an award winning actress. Mark my word,” sey ng aktor.
Related Chika:
Xyriel Manabat, Anji Salvacion matapang na lumalaban para sa kababaihan: ‘Our body should be celebrated, respected and defended!’
Anji Salvacion sinuwerte mula nang tanghaling ‘PBB’ big winner; pero hindi na nakakauwi ng Siargao
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.