Kaila Estrada humingi ng acting tips kay Janice de Belen bago sumabak sa ‘Linlang’, bakit palaging nagso-sorry kay Kim Chiu?

Kim Chiu, JM de Guzman at Kaila Estrada

BIG break para sa Kapamilya actress na si Kaila Estrada ang makasama sa pinag-uusapan ngayong drama series ng ABS-CBN na “Linlang.”

Nakikipagtalbugan din ang anak nina Janice de Belen at John Estrada sa mga co-stars niya sa programa na sina Kim Chiu, Paulo Avelino, JM de Guzman at Maricel Soriano.

Napanood namin ang first two episodes ng “Linlang” at in fairness, hindi rin nagpapahuli si Kaila sa ipinakikita niyang akting sa bawat episode, lalo na ang mga eksena nila ni JM at Maricel.

Aminado naman si Kaila na nag-ask siya ng tips at advice sa kanyang inang si Janice, “Yes po, I actually did. Nanghingi ako sa kanya ng advice sa mga ibang eksena kasi nga po this is a very challenging and intimidating project for me nu’ng una.

“Kaya talagang kabado kasi as you can see grabe ‘yung cast ‘di ba, very powerful pero sobrang grateful ako na pinagkatiwalaan ako ng ABS-CBN to do this.

Baka Bet Mo: Maxene Magalona feel na feel ang pagiging nanay sa ‘Viral Scandal’: No parent is perfect, no child is perfect…

“And I’m so blessed to be a part of this project and sobrang generous at mababait ‘yung mga nakatrabaho ko, si Kim, especially sobra kaming naging close doing this show and everybody Tita Ruby, Paulo, Kim, JM, Direk Jojo, Direk FMR. Talagang tinulungan ako and they guided me through this project so sobrang grateful ako talaga.

“Pero ayaw naman na po natin talaga makasakit and you know si ate Kim is such a professional like she already knows this, ‘di ba?” sabi ni Kaila.

Patuloy pa niya, “Nagso-sorry rin ako sa kanya before doing it and after kasi nga siyempre, sabi nga ni Inay (Maricel) kanina kapag nadala ka ng emosyon talagang minsan hindi mo na makokontrol. So I’m so happy kasi si ate Kim is so professional.”

Sa tanong kung totoo bang nagkasakitan sila ni Kim sa kanilang mga confrontation scenes, “Abangan! Abangan ninyo na lang din po pero ‘yun I mean parang physical po ‘yung eksena.

“It’s very physical and it came that way because she was also super professional and super generous with her acting and okay kami, okay kami talaga. And it was such a praise working with her,” sey ng dalaga.

“And she also tells me to relax and not overthink kasi sabi niya minsan ‘yung mga ganon ‘yun pa ‘yung magki-create ng mga problem as you get on set.

Baka Bet Mo: Kim, JM, Kaila na-starstruck kay Maricel: ‘Diamond Star siya pero hindi niya po ipinaramdam sa amin, parang nanay talaga siya sa set’

“So sabi niya, ‘just relax, you know your script, you know your character kaya mo ‘yan’, ‘yung mga ganoon. Mga simpleng ganoon lang ni mama.

“Feeling ko marinig ko lang siyang magsalita okay na talaga ako eh, kaya ayun. Mga ibang eksena kasi nga alam niyang kinakabahan ako and she always gives me the best advice,” dugtong pa ni Kaila.

Napapanood na ngayon sa Prime Video ang “Linlang” kung saan kasama rin sina Jaime Fabregas, Raymond Bagatsing, Albie Casiño, Jake Ejercito, Heaven Peralejo, Adrian Lindayag, Race Matias, Benj Manalo, Lovely Abella, Frenchie Dy, Ross Pesigan, Hanna Lexie, Juno Advincula, Connie Virtucio, Lotlot Bustamante, Meann Espinosa, Danny Ramos, Bart Guingona, Marc Mcmahon, Anji Salvacion, at Kice.

Ito’y mula sa direksyon nina FM Reyes at Jojo Saguin under Dreamscape Entertainment.