Ricky Davao naiyak nang balikan kung paano umamin ang anak na si Rikki Mae bilang member ng LGBTQ: ‘Natanggap ko naman agad’
Ricky Davao at Rikki Mae Davao
HINDI napigilan ni Ricky Davao ang maging emosyonal nang alalahanin ang araw na aminin sa kanya ng anak na si Rikki Mae ang pagiging lesbian nito.
Medyo madrama ang ginawang pag-come out ng kanyang anak kaya naman maluha-luha niya itong ibinahagi sa publiko nang mag-guest siya sa “Fast Talk with Boy Abunda.”
Kuwento ni Ricky, may nangyari munang eksena sa pagitan nilang mag-ama na sinundan ng pagbibigay sa kanya ng sulat ni Rikki Mae kung saan ipinagtapat nito na miyembro nga siya ng LGBTQIA+ community.
“Something happened in her school, nabalitaan ko, nagalit ako. Nag-aayos ako ng shoes, tapos nagalit ako, binato ko.
View this post on Instagram
“Hindi naman siya tinamaan, and then she cried,” ang maluha-luhang pagbabalik-tanaw ng veteran actor-director sa panayam ni Tito Boy.
At kinabukasan nga raw, inabot sa kanya ng anak nila ni Jackie Lou Blanco ang isang sulat ng pag-amin nito sa tunay niyang pagkatao.
“And then, the following day, I got a love letter saying sorry. Sinabi niya, ‘Dad, I’m just different.’ That she’s part of the (LGBTQIA community). Of course natanggap ko naman agad because I love her, and I respect her.
Baka Bet Mo: Dating sexy star maligaya na sa piling ng lesbian lover, hindi raw naging happy sa ex-hubby
“So, whatever makes her happy,” ang paliwanag pa ni Ricky.
Sa panayam din ng “FTWBA” noong June, nabanggit ni Jackie Lou na may feeling na siya tungkol sa sexual preference ni Rikki Mae.
View this post on Instagram
“I had a feeling na kasi. So when she came to me, she goes, ‘Mom, I have to tell you something.’ Sabi ko, ‘Okay.’ Tapos feeling ko, ‘Oh my, ito na talaga ito. I think this is the day.’
“And then, dumating na siya, pero siyempre may kasunod na girl. Pero nakatayo siya du’n ng 15 minutes na walang sinasabi.
“So sabi ko, ‘Rikki Mae, do you want Mama to tell you what I think you’ll tell me?’ Sabi niya, ‘No, Mama. I have to do it. Let me say it.’
“Sabi niya, ‘Mama, I’m gay.’ Sabi ko, ‘I know,’” aniya pa.
Dagdag pa niya tungkol sa kanyang naging reaksyon, “I think I cried because I didn’t have to wonder, and I was so thankful that she had the courage to tell me.
“Because she was saying, ‘Mama, actually I was planning not to tell you na kasi feeling ko alam mo na.’ pero iba daw pala talaga pag sinabi mo na. So I was very thankful that I knew,” sabi pa ng aktres.
Janno nakipag-date sa tibo: Ako ang first experience niya tapos nabalitaan ko lesbian na ulit siya
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.