Dolly de Leon tampok sa bagong US TV series kasama si Nicole Kidman
Dolly de Leon, Nicole Kidman
HINDI na talaga ma-reach ang kasikatan ng batikang aktres na si Dolly de Leon!
May kumakalat kasi na balita na may bago siyang international project at makakasama niya ang ilang bigating Hollywood stars.
Ayon sa American media outlet na Deadline, tampok si Dolly sa second season ng mystery drama na “Nine Perfect Strangers” na pinagbibidahan ng award-winning American actress na si Nicole Kidman.
Bukod kay Nicole, kabilang rin sa nasabing series sina Liv Ullmann, Murray Bartlett, Maisie Richardson-Sellers, at Ayas Aydin.
Ang nabanggit na serye ay base sa isang nobela na may kaparehong pamagat at ito ay unang ipinalabas noong September 2021.
Baka Bet Mo: Dolly De Leon sa controversial statement ni Liza Soberano: It’s her truth and we have to respect it
Nag-umpisang sumikat internationally si Dolly matapos makatanggap ng iba’t-ibang pagkilala mula sa prestihyosong award-giving body sa iba’t-ibang bansa.
Ito ay dahil sa kanyang pagganap bilang Abigail sa international film na “Triangle of Sadness.”
Sa kasalukuyan, abala sa ilang taping ang batikang aktres dito sa bansa.
Isa sa kanyang mga proyekto ngayon ay ang pinagbibidahang pelikula nila ni Kathryn Bernardo na “A Very Good Girl,” pati na rin ang pelikula na pinagtatambalan nina Maris Racal at Khalil Ramos na “Simula sa Gitna.”
Inamin ni Dolly na masayang-masaya siya dahil sunod-sunod ang mga natatanggap niyang proyekto hindi lang dito sa Pilipinas, kundi pati sa ibang bansa.
“I find it very flattering that the ripple doesn’t end,” sey ni Dolly.
Dagdag pa niya, “But I also like to move on and move forward and do new things and expand our work.”
“But yeah, I’m flattered. I’m happy that people are still watching it. So in a way, it’s still good that they are still thinking of it,” aniya pa.
Related Chika:
#SanaAll: David Foster, Katherine McPhee may pa-‘private concert’ kay Vicki Belo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.