Liza, Enrique magpapakilig muli very soon, may nilulutong ‘comeback’ project

PHOTO: Instagram/@enriquegil17

FOR sure, matutuwa ang maraming fans dahil magsasama muli sa isang proyekto ang onscreen partners na sina Liza Soberano at Enrique Gil!

Ang nakaka-excite na balitang ito ay kinumpirma mismo ni Liza sa interview ng news program na “TV Patrol” noong February 7.

Ayon sa kanya, mapapanood ang tambalang LizQuen sa taong 2026 o kaya naman sa 2027.

“We’re trying to come up with a concept we can do together in the future, and I can guarantee that it’s going to be in the next year or two because the concept that we’re coming up with needs to be fleshed out,” pagbubunyag niya.

Nabanggit din niya na very open siyang bumida sa teleserye at nais niyang magkaroon ng kakaibang role at genre.

Baka Bet Mo: Liza Soberano pinayagan na ring mag-artista ang mga kapatid

“I’m definitely open to doing a teleserye. I think it just comes down to the concept,” sambit niya.

Patuloy pa ng aktres, “I’m at the stage where I [want to do] different kinds of characters and genres. I’m just looking for anything that excites me and is like kakaiba.”

Kung matatandaan, ang huling pelikula ng dalawa ay ang “Alone Together” noong 2019, at kasunod niyan ang TV series na “Make It With You” na ipinalabas noong 2020.

November last year naman nang sinabi ni Enrique na pinag-uusapan na nila ni Liza ang gagawing horror movie, pero wala pa siyang binanggit na detalye.

Samantala, si Liza ay kasalukuyan nang mina-manage ng Singapore-based management group na “Wild.

Ito ay matapos niyang lisanin noong July last year ang Careless Music, ang entertainment company na co-founded by James Reid.

Matatandaang June 2022 nang pumirma ng kontrata si Liza sa nasabing talent management ni James matapos siyang hindi mag-renew ng kontrata sa Star Magic.

Bago ang Careless Music, nasa pangangalaga siya ng talent manager na si Ogie Diaz nang mahigit isang dekada.