Bagong animated film ng ‘Spider-Man’ aprub sa mga kritiko: ‘It raised the bar with its unique animation style!’
PHOTO: Courtesy Columbia Pictures
PALABAS na sa mga lokal na sinehan ang bagong animated film na “Spider-Man: Across the Spider-Verse.”
Ang istorya nito ay tungkol sa panibagong pagsubok ng bida na si Miles Morales.
Sa trailer na inilabas sa YouTube channel ng Columbia Picture Philippines, makikilala ni Miles ang iba pang bersyon ng Spider-Man mula sa iba’t-ibang dimensyon.
Kabilang na riyan si Gwen Stacy, ang isa sa mga Spider-woman sa spider-verse.
Si Miles ay binigyan buhay ng boses ng American actor na si Shameik Moore, habang si Gwen Stacy ay bobosesan ng international singer-actress na si Hailee Steinfeld.
Baka Bet Mo: Tom Cruise bibida ulit sa ‘Mission: Impossible’ makalipas ang 5 taon
At dahil mapapanood na ang nasabing animated film ay bumuhos naman ang mga positibong reaksyon ng mga kritiko mula sa iba’t-ibang bansa.
Sey ni Drew Taylor ng New York Times, “Spider-Man Across The Spider-Verse is a stunning achievement. Yes, it’s visually dazzling, with expansive, expressive new realms. But the movie’s real superpower is its emotional depth and its beautiful, melancholic tone. I love this movie so, so much [spider emoji].”
Ayon naman kay Tessa Smith ng American review-aggregation website for film and television na Rotten Tomatoes, “Spider-Man: Into The Spider-Verse raised the bar with its unique animation style & way of storytelling.”
Sabi naman ng isang sikat na website at podcast sa Malaysia na Goggler, “Spider-Man: Across the Spider-Verse is an absolute monument to the power of cinema to affect, and inspire, and to bring joy. We didn’t think it was possible but everything about this is better than the first.”
Bukod kina Shameik at Hailee, ang iba pang mga miyembro ng cast ay sina Jake Johnson, Issa Rae, Daniel Kaluuya, Jason Schwartzman, Brian Tyree Henry, Luna Lauren Velez, Greta Lee, Rachel Dratch, Jorma Taccone, Shea Whigham at Oscar Isaac.
Ang “Spider-Man: Across the Spider-Verse” na batay sa MARVEL Comic Books ay mula sa direksyon nina Joaquim Dos Santos, Kemp Powers at Justin K. Thompson.
Related Chika:
Miles Morales ng animated film na ‘Spider-man’ may bagong kapalaran na tatahakin
Margot Robbie may bagong adventure sa pelikulang ‘Barbie’, mapapanood na sa Hulyo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.