Scarlett Johansson, Jonathan Bailey matindi ang laban sa ‘Jurassic World Rebirth’
PHOTO: Courtesy of Universal Pictures
KAABANG-ABANG ang ultimate dinosaur showdown ngayong 2025!
Opisyal nang bahagi ng Jurassic franchise sina Scarlett Johansson at Jonathan Bailey, kasama si Mahershala Ali, base sa inilabas na adrenaline-filled trailer ng “Jurassic World Rebirth.”
Sa pasilip, ipinakilala si Scarlett bilang Zora Bennett, ang matapang na kapitan ng barko.
Ang role naman ni Mahershala ay bilang Duncan Kincaid, isang resourceful na guide, habang si Jonathan ay gaganap na Dr. Henry Loomis, isang brilliant pero awkward na paleontologist.
Limang taon matapos ang “Jurassic World Dominion,” ipinapakita ng pelikula ang high-stakes survival ng mga bida matapos silang ma-stranded sa isang isla na literal na naging dino-paradise—pero terror edition.
Baka Bet Mo: LIST: 3 international films na babandera ngayong ‘love’ month
Pinadala ang trio para kunin ang DNA ng tatlong pinakamalalaking dinosaur ng land, sea and air para sa isang pharmaceutical company.
Ang problema? Hindi lang simpleng dinosaur spotting ang mission nila, may mga higanteng prehistoric monsters na sobrang delikado para ilagay sa Jurassic Park.
Sabi nga ni Dr. Loomis, “These dinosaurs were too dangerous for the original park. The worst of the worst were left here. Survival is a long shot.”
Tumindi pa ng tensyon nang magkita ang grupo at ang isang pamilya na na-stranded matapos tumaob ang kanilang bangka dahil sa isang aquatic dinosaur attack.
Base sa synopsis na ipinadala samin ng Universal Pictures:
“This action-packed new chapter sees an extraction team race to the most dangerous place on Earth, an island research facility for the original Jurassic Park, inhabited by the worst of the worst that were left behind…Those remaining exist in isolated equatorial environments with climates resembling the one in which they once thrived. The three most colossal creatures across land, sea and air within that tropical biosphere hold, in their DNA, the key to a drug that will bring miraculous life-saving benefits to humankind.”
Ang “Jurassic World Rebirth” ang standalone sequel ng “Jurassic World Dominion” na ipinalabas noong 2022.
Ang bagong pelikula ay mapapanood sa mga lokal na sinehan sa July 2.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.