Margot Robbie may bagong adventure sa pelikulang ‘Barbie’, mapapanood na sa Hulyo
PHOTO: Courtesy Warner Bros. Pictures
PANIBAGONG adventure ang tatahakin ng Oscar-nominee actress na si Margot Robbie!
Mula sa pagiging action star at fictional character na “Harley Quinn,” gagampanan naman niya ngayon ang pagiging isang iconic fashion figurine.
Bibida si Margot sa live-action film na may titulong “Barbie.”
Mapapanood sa main trailer ng pelikula na lumisan ng “Barbie World” ang fashion doll upang maranasan ang buhay sa “Real World.”
Makikita rin sa pasilip ang ilang paghihirap at pagsubok na kailangang harapin dahil sa bagong mundo na kanya napuntahan.
At siyempre, hindi rin mawawala ang ilang kontrabida na natuklasan ang kanyang tunay na identity na isang manika na naging isang tao.
Baka Bet Mo: Ilang celebrities, netizens naki-join sa viral filter na ala-‘Barbie’ poster
Kung may Barbie, siyempre hindi mawawala sa upcoming film ang love interest at bot toy na si Ken na gagampanan naman ng Hollywood actor na si Ryan Gosling.
Bukod sa dalawa, tampok din sina Simu Liu, America Ferrera, Will Ferrell, Kate McKinnon, Dua Lipa, at Issa Rae, at marami pang iba.
Ang pelikulang “Barbie” ay mula sa direksyon ni Greta Gerwig at nakatakda na ipalabas sa mga lokal na sinehan sa July 19.
Related Chika:
Aga Muhlach sa kaarawan ng ‘reyna’ ng kanyang buhay: Cheers to more ocean adventures with you!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.