Rufa Mae ka-join daw sa Hollywood movie na ‘Barbie’ nina Ryan Gosling at Margot Robbie: ‘Joke, joke, joke!’
Rufa Mae Quinto, Ryan Gosling at Margot Robbie
HOT topic ngayon sa social media ang Kapuso comedienne na si Rufa Mae Quinto dahil sa chikang ka-join daw ito sa isang upcoming Hollywood movie.
Ang tinutukoy namin ay ang “Barbie The Movie” na pagbibidahan nina Ryan Gosling at Margot Robbie na mapapanood na raw sa 2023.
Inilabas na kasi ang teaser poster ng pelikula kalakip ang listahan ng mga cast members at isa nga sa mga naroon ay ang pangalan ni Rufa Mae.
Ang “Barbie” ay ididirek ni Greta Gerwing, at bukod kina Margot at Ryan, ang iba pang Hollywood stars na nasa cast ay sina America Ferrera, Simu Liu, Kate McKinnon, Ariana Greenblatt, Alexandra Shipp, Emma Mackey at Will Ferrell.
Nasa listahan din sina Issa Rae, Michael Cera, Hari Nef, Scott Evans, Kingsley Ben-Adir, Emerald Fennell, Connor Swindells, Ncuti Gatwa, Rhea Perlman, Sharon Rooney, Ana Kayne, Ritu Arya at Jamie Demetriou.
View this post on Instagram
Ang “Barbie” ay mula sa produksyon ng Warner Brothers Pictures at sakaling matuloy nga raw ang pag-appear dito ni Rufa Mae, ito ang kauna-unahan niyang Hollywood film na siguradong magbibigay karangalan din sa Pilipinas.
Narito ang ilan sa mga comments ng netizens tungkol sa lumabas na chika.
“Our kween Rufa Mae on Hollywood, todo na ‘to, go, go, go.”
“I’m a Barbie gorl gorl gorl!”
“Are the casts legit? Like am I really gonna be able to watch Margot Robbie and Emma Mackey in one film??? But then again, I can’t take this seriously coz wth is Rufa Mae Quinto listed there lmfao.”
“Go, go, go Rufa Mae! Itodo mo na to!”
Ngunit sorry na lang guys, pero mukhang ang balitang ito ay isa lamang, “Joke, joke, joke!” Ha-hahaha! May isang netizen na kasi ang umamin na in-edit lang niya ang list ng cast members at inilagay ang pangalan ni Rufa Mae.
Ayon sa Twitter user na may handle name na @stepisowild, siya ang nagdagdag sa pangalan ng komedyana sa ipinost ng Letterboxd page tungkol sa “Barbie” movie cast.
“OMG! It’s my jail era for putting Rufa Mae Quinto here. Please use the hashtags guys para maging totoo to!”
Rufa Mae sa epekto ng pandemya: Parang naging horror film ang buhay!
Rufa Mae napabayaan ang sarili, inatake ng depresyon sa US: Pero lumaban ako at kinaya ko
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.