Regine pinaiyak ni Sharon nang mag-celebrate ng birthday: ‘Araw-araw mahal na mahal ka ni Ate, anytime you need me…I love you’
Regine Velasquez at Sharon Cuneta
NAGKAIYAKAN ang mag-BFF na sina Regine Velasquez at Sharon Cuneta nang muling magkita sa isang episode ng Kapamilya morning show na “Magandang Buhay.”
Nag-celebrate ang Asia’s Songbird ng kanyang kaarawan sa nasabing programa last Friday, April 21, kung saan personal nga siyang binati ng Megastar sa studio.
Napaluha na si Regine nang mapanood ang video greeting ng ilang celebrities na nakatrabaho niya tulad nina Piolo Pascual, Darren Espanto at Gloc-9. At mas tumindi pa ang kanyang iyak nang magpakita na nga si Sharon sa kanya.
View this post on Instagram
Sey ni Mega, proud na proud siya kay Regine dahil sa tinatamasa nitong tagumpay bilang singer at TV host mula noon hanggang ngayon.
“You’re one of the quality human beings I know. Kayo ni Ogie (Alcasid) actually. I am proud of all your success.
Baka Bet Mo: Vice kay Vhong: Hinding-hindi ka namin nakakalimutan, araw-araw nagdadasal kami para sa ‘yo
“But, I am most proud of the heart you have. I am proud to be your Ate. I’m proud to be your friend. I’m proud to be your student,” sey ni Mega.
Dagdag pa niya, “Always remember na kahit hindi tayo magkasama araw-araw, araw-araw mahal na mahal ka ni Ate, anytime you need me. I love you.”
View this post on Instagram
Reaksyon naman ng Songbird sa message ni Sharon sa kanya, “Maraming salamat Ate. Kararating palang po niya pero nandito siya. Ikaw ang generous. Ikaw ang pinangarap ko maka-close. At nangyari na. I love you, Ate.”
Nagpasalamat din si Regine sa kanyang “Magandang Buhay” family, sa kanyang mga fans at sa lahat ng mga taong patuloy na sumusuporta sa kanyang showbiz career.
“Nakakatuwa na magkaroon ng show na ginawa kang pamilya. Maraming-maraming salamat sa tiwala,” aniya pa.
Marjorie kina Claudine at Greta: It’s just gonna be more peaceful kung hindi bati…
Ruru Madrid may promise kay Bianca: Araw-araw kita ipagmamalaki sa lahat ng tao
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.